TOP
  • Home
  • Kasababecca
  • Walukagga ne Mariach kirabika tebaabakubira kusabiriza...!

Walukagga ne Mariach kirabika tebaabakubira kusabiriza...!

Added 15th May 2018

ABAYIMBI ne bakazanyirizi batadde abagagga ku nninga nga babasabiriza ssente era abamu obwedda baziggyayo lwa nnaakola ntya.

Obwedda engeri gye balemera ku bagagga ng’eraga nti ensonyi baazinaaba ku maaso ate abamu ne bagamba nti kirabika bano tebaabakubira kusabiriza era balinga abaabadde ku kivvulu kya ‘bakazannyirizi n’abayimbi ani asinga?’.

Abayimbi bano okwabadde Mathias Walukagga, MC Mariach, Muzeeyi Kamadi ne MC Dragon baabadde ku mukolo gw’omugagga Lwasa ng’abatiza n’okwebaza Katonda olw’ezzadde lyamuwadde.

Yabadde ne bagagga banne ab’e Masaka n’abaavudde e Kampala. Lwasa yabatizza abaana batano okuli: Isabel Namanda, Edson Kakooza, Reagan Wasswa, Hilton Nakatto ne Samuel Kigaanira era olwavudde ku Klezia baasibidde mu maka ge e Kyabakuza gye yagabulidde abantu.

Walukagga ye yasoosewo n’akuba ‘Twasomoka Lwera’ olwo n’atandika okubayitamu nga bw’abasolooza ng’atamuwa ssente tavaawo.

Ye Muzeeyi Kamadi yazze n’olukalala lw’abagagga n’alukwasa MC Dragon era obwedda gw’asoma erinnya ng’amulumba.

Ye Mariachi yagambye nti alina ebizibu bingi n’asaba Lwasa ne bagagga banne beekolemu omulimu bamwongere ku ssente ate bamufuuwe mu ddoola omugagga Mark kye yakoze.

More From The Author

Emboozi z’omuwandiisi endala

Emboozi endala

Kabaka tebagenda kumukongoj...

KABAKA Mutebi II si wakukongojjebwa ng’Obuganda bukuza amatikkira ge ag’omulundi ogwa 27 olw’okutya okusasanya...

Ow'emifumbi eyagobeddwa mu ...

OMUZANNYI w’emifumbi Geoffrey Lubega eyagobeddwa mu nyumba olw’okulemererwa okusasula ensimbi z’obupangisa adduukiriddwa....

Empaka za FEASSSA zisaziddw...

OMUKISA gwa Uganda okulwanirira okweddiza ekikopo ky’emizannyo gy’amasomero ga ssiniya ag’obuvanjuba bw’Afrika...

Nankabirwa ng'asanyusa bato banne

Omuyimbi muzibe asaba kuvuj...

BYA SOPHIE NALULE Angel Nankabirwa ow'emyaka 12 bw'omuwulira ng'ayimba ku muzindaalo odduka mbiro otere esange...

Kabineeti eteesezza okuggul...

KABINEETI eggulo yateesezza ku kuggulawo akeedi n’ebirina okussibwa mu nkola nga ziggulwawo.