TOP

Bryan White mulwadde muyi: Ayagala kusisinkana Museveni

Added 1st July 2020

Bryan White kati asizza ku ku byuma

Bryan White kati asizza ku ku byuma





Bryan White mu kiseera kino asizza ku byuma amaze wiiki biri mu ddwaaliro ly'e Nakasero kyokka embeera ye ekyagaanye okutereera ekitabudde abooluganda ne mikwano gye.

Bano kati balindiridde alipoota y'abasawo mu Bungereza eyatwaliddwa omusaayi n'ebiralala ebyamuggyiddwako okwongera okwekebeja n'okuzuula ekituufu ekimuluma okusalawo ekiddako.

Bryan akaaba obulumi obw'amaanyi mu lubuto amaze ebbanga ng'atawaanyizibwa obulwadde bw'amabwa g'omu lubuto (Ulcers) kyokka abadde atereera n'addamu n'akola. 

 

Ono gye buvuddeko yatwaliddwa mu ddwaaliro ly'e Nakasero ng'ataawa era embeera ye ekyagaanye okutereera. Ayogera kitono, talya okuggyako okunywa n'eby'okulya bye bayisa mu bupiira.

Omuyambi we Isaac Katende yategeezezza nti okuva Bryan lwe yatwalibwa mu ddwaaliro abasawo bamwekebejjezza kyokka bakyalemeddwa okuzuula ekituufu ekimuluma era kati balindiridde kinaava Bungereza ewatwaliddwa omusaayi n'ebirala ebyamuggyiddwako.

Wiiki ewedde abasirikale okuva ku palamenti baawaliriziddwa okugenda e Nakasero okukakasa oba ddala Bryan mulwadde oluvannyuma lw'okulemererwa okweyanjula mu kakiiko akakola ku nsonga z'eddembe ly'obuntu akaamuyita yennyonnyoleko ku nsonga z'abawala abaali bakozi be abamulumiriza okubatulugunya n'okubakaka omukwano.

Bano looya wa Bryan yabategeezezza ng'omuntu we bw'ali omulwadde ne basalawo okusindika boofiisa baabwe okukakasa.

 

Bryan ayagala kusisinkana Pulezidenti Museveni

Katende era yategezezza nti wadde Byan muyi naye ebimu ku bintu by'ayagala era ennaku zino by'ayogerako mulimu okwagala kusisinkana Pulezidenti Museveni okubaako by'amutegezza.

Yagambye nti Bryan amaze ebbanga ng'asaba okusisinkana Pulezidenti kyokka ng'alemesebwa b'ayita ba mafiya.

Ono agamba nti ng'oggyeeko ssente z'ayagala bamusasule olw'omulimu gwe yakola ogw'okubiriza abavubuka okwekulaakulaanya okweggya mu bwavu era mu nteekateeka eno yateekamu ssente ze nnyingi, alina ensonga eziwerako z'ayagala okutegeeza omukulembeze w'eggwanga.

More From The Author

Emboozi z’omuwandiisi endala

Emboozi endala

Pulezidenti  wa DP Nobert Mao ng’ayogera mu lukung’ana lwa bannamawulire mu Kampala.

Ebizibu mu DP byeyongedde: ...

EBIZIBU byeyongedde mu DP, ekisanja kya Nobert Mao bwe kiweddeko wakati mu kuwakanyizibwa abamu ku bammemba okuli...

Erias Lukwago kisuubirwa ayinza okukwatira FDC enkasi singa Besigye tggyaayo mpapula kwewandiisa kuvuganya

Abaagala bendera ya FDC ku ...

ABA FDC bataddewo olwaleero n’enkya ku Lwokubiri nga nsalessale eri abaagala okukwatira ekibiina bendera ku kifo...

Brig. Flavia Byekwaso nga bamwambaza ennyota mu February 2019 e Mbuya.

By'obadde tomanyi ku Brig. ...

Okulondebwa kwa Brig. Byekwaso kumufudde omu ku bakazi abasinga amaanyi mu UPDF. Y’omu ku babaka 10 abakiikirira...

Enkyukakyuka mu UPDF kye zi...

Enkyukakyuka ezaakoleddwa Pulezidenti Museveni mu magye zirimu ebikulu ebitabuusibwa maaso. Alonze omukazi asoose...

Hon.Nakiwala ng'annyonnyola

Minisita Nakiwala Kiyingi a...

Minisita omubeezi ow'abavubuka n'abaana mu ggwanga Florence Nakiwala Kiyingi asabye abavubuka bulijjo okwekolamu...