Aba UTB batandise kampeyini y'okwagazisa Bannayuganda eby'obulambuzi

Added 19th September 2020

MU kaweefube w’okwongera okwagasiza Bannayuganda okwettanira ebyobulamuzi bya kuno nga Pulezidenti bwe yabakunze okwongera okwagala Uganda, ab’ekitongole ekivunaanyizibwa ku by’obulambuzi ekya ‘Uganda Tourism Board’ (UTB) batongoza kampeyini etuumiddwa ‘Take on the Pearl of Africa’.

Mu nteekateeka eno bano bawadde abantu omukisa okuwangula okugenda okulambula ebifo eby'omulembe mu bitundu by'eggwanga eby'enjawulo ku bwereere.

Kino kisoboka bw'ogenda ku mukutu gwabwe kwe bateeka ebifaananyi by'ebimu ku bifo bino. Ddamu ng'olaga erinnya ettuufu ery'ekifo ekyo owe n'ensonga lwaki okyagala. Asinga okuba n'abagoberezi abangi abalabye ebyo by'azzeemu afuuka muwanguzi.

Claire Mugabi (ku kkono), kitunzi wa UTB agamba nti ekimu ku bigendererwa bya kampeyini eno kuggya mu bantu ndowooza gye balina nti eby'obulamuzi bya Bazungu na bantu abalina ssente ate nga n'omuntu waabulijjo asobola okulambula n'afuna okumanya n'okuwummuza ku birowoozo.

Mu nteekateeka eno era basazeewo okukola ne bassereebu ab'enjawulo okuli; Alex Muhangi (owookubiri ku kkono), Cleo Patra, Natasha Sinayobye (wakati)n'abalala okusikiriza abantu.