Omusawusi Costa Titch n’Omunigeria Adekunle bafuukudde abadigize: Abayaaye ekivvulu kibasaze olwa SFC okubaayo.
Jul 18, 2022
Bya Ignatius KamyaOmusawusi Costa Titch n’Omunigeria Adekunle bafuukudde abadigize: Abasaze b’ensawo ekivvulu kibasaze olwa SFC okubaayo.OMUSAWUSI Costa Titch n’Omunigeria Adekunle tebasaaga. Bakubye omuziki ne bafuukuule ebyana ne bitiguka masejjere ng abwe biwaana ba ggaayi bano ng’eno bwe bayimba nabo ennyimba ezimu.
By Bukedde Omusunsuzi
Journalist @NewVision
Bya Ignatius Kamya
OMUSAWUSI Costa Titch n’Omunigeria Adekunle tebasaaga. Bakubye omuziki ne bafuukuule ebyana ne bitiguka masejjere ng abwe biwaana ba ggaayi bano ng’eno bwe bayimba nabo ennyimba ezimu.
Adekunle Mwana Muwala Ng'akwata Akatambi
Adekunle Byana Biwala
Ebbinu lino lyabadde mu kivvulu ekyatuumiddwa Club Dome ekyabadde ku Cricket Oval e Lugogo ku Lwomukaaga. Costa Titch obwedda akuba ‘Amapiano’ era yabalese bamutenda n’okumuwaana olwa ‘Vibe’ soma vayibu omungi ng’amba amaanyi obwedda gaakozesa ng’akooka.
Adekunle Ng'ayimba
Adekunle ng'ayimba e Lugogo. (Ebif. bya Ignatius Kamya).
Costa Titch Ng'ayimba
Costa Titch ng'akooka.
Ono yayingiddewo ku ssaawa 4:30 wakati mu nduulu n’emizira okuva mu bawagizi ababadde bakubyeko mu kisaawe ng’okusinga bavubuka n’abayizi b’amattendekeo aga waggulu. Yakubye ennyimba nga Big Flexa, Monate C, Big deal, Ma Gang n’endala nnyingi.
Ono yawalirizza ne muyimbi munne Sheebah Kalungi okusigala mu bawagizi okunyumirwa omuziki gwe ng’eno bw’abiibyamu. Ku ssaawa 5:20 Adekunle naye yayingiddewo ku siteegi ng’akulemberwa bandi ye n’akuba omuziki okutuusa ku ssaawa 6:00 ogw’ekiro ogwalagirwa.
Adekunle Sheebah Yasigadewo Nanyumirwa Omuziki Gwa Costa Titch
Sheebah ng'anyumirwa omuziki mu kisaawe e Lugogo.
Adekunle Abadigize Nga Bacamuse
Adekunle yasabye Bannayuganda okwongera okuwagira omuziki w’abayimbi baakuno kubanga y’engeri yokka gye basobola okufuuka ab’amaanyi.
Eno abadigize bacakadde mu mirembe nga teri kutya bya bayaaye kubanyagako busimu anti amagye ga SFC ge gaabadde gakuuma. Waabaddewo abanene abaavudde mu maka ga Pulezidenti abaabadde mu kivvulu era kwe kugamba nti abayaaye ekivvulu ky’abasaze.
Adekunle N Oba Yabadde Yebuuza Ki Nze Nawe
Adekunle Nkwata Ku Mukono Sagala Ombuleko
Ebimu ku byana ebyabaddeyo. (Ebifaananyi Ignatius Kamya).
Mu Bannayuganda abalala abaayimbye kwabaddeko Vinka, John Blaq, Kataleya and Candle nga bali ne ba DJ ab’enjawulo.
No Comment