Ekivvulu kisaze aba Galaxy ne bibakalira ku matama!
Ekivvulu kisaze aba Galaxy ne kibaleka nga beebuuza ebibuuzo; Juliana Kanyomozi ne B2C ani mulogo waabwe!?
Abamu ku bayizi abeetabye mu kivvulu kya Galaxy
Bano ku Lwomukaaga baategese ekivvulu kye baayise Zina Sosh nga kyabadde ku Hockey Grounds okusinga kyabadde kya bayizi ba ssomero.
Kino kyawedde ku ssaawa 12:30 wabula nga mu kibangirizi mwe baabadde nga bw'ofuna ttiimu zo bbiri ez'omupiira ziba zisobola okwegabirawo akapiisi ate ne banyumirwa nga tewali abakuba ku mukono olw'amabanga amanene nga mu njogera embi kyangu okugamba nti kyabasaze!.
Eno abayimbi okwabadde; John Blaq, Fefe Busi, Aroma, Rahma Pinky n'abalala baabaddeyo ne basanyusa aboolubatu abavumiriyizza ne babaayo.
Kuno kwegasseeko ebibinja by'abaana b'amasomero abaabadde bazina ne basanyusa abalabi.
John Blaq ng'asanyusa abayizi
Kinajjukirwa nti wiiki ewedde, omuyimbi Crystal Panda yategese ekivvulu ekitajjumbiddwa ne yeekwasa enkuba gye yalumirizza nti yasumbuye abawagizi be ne batajja.