Kasalabecca
Yiiiiiiii bannange! Tunuulira omwana w'e Kawempe gy'azannyira mu biseera bye eby'eddembe!!!!
TUNUULIRA ebifo omwana w’omuggeto gy’azannyira ebiyinza okumuviirako okufuna ebirwadde ebiva ku bucaafu .
Yiiiiiiii bannange! Tunuulira omwana w'e Kawempe gy'azannyira mu biseera bye eby'eddembe!!!!
By: Moses Lemisa, Journalist @New Vision
Abaana b’e Kawempe mu bitundu eby’enjawulo okuli Bwaise , Kaleerwe , Mulago , Kyebando , Kanyanya , Komamboga , Mpererwe , Katanga abasing bazannyira mu bifo ebyennyamizza omulabi ng’abamu bazannya n’emizannyo egiyinza okuvaako obuzibu nga bakola bingi ne batandika okwekuba ebikonde.
Abaana nga bazannyira mu mwala omucaafu.
James Ssenkaali, yagambye nti abaana okuzannyira n’okuzannya emizannyo emikyamu kiva ku bazadde abatafuddeeyo kubalung’amya bulungi nga waliwo n’abamu abatuuka okuvuma buli abagambira ku baana nga bakoze ensobi ekivaako abaana okuwaganyala.
Abaana nga beekoledde ringi y'okukuba ebikonde.
Muhamand Nsubuga kkansala wa Makerere III e Kawempe yasabye abazadde okufaayo okukuuma abaana kuba Kawempe ali mu Gheto ng’abaana okuzannyira mu myala egitambuliramu kazambi basobola okufuna ebirwadde ebiva ku bucaafu!