Empaka z'okufumba leero ziyindidde mu katale e Nakasero

AKATALE ke Nakasero kawunikiridde omusajja Ssaalongo Vicent Masembe bweyesowoddeyo avuganye abakyala abafumbi b'emmere mu katale kano mu mpaka z'okufumba ezitegekebwa kampuni ya Vision group etwala ne Bukedde okukkakana nga akute kya kusatu.

Empaka z'okufumba leero ziyindidde mu Katale e Nakasero

Emapaka zokufumba zino zetabidwamu abantu mukaaga okwabadde abafumbi b'emmere bana ssaako n'abasiisi ba chapati 2 era nga bakira enduulu eyoluleekereeke evugira okumpi ne Masembe wafumbira ate bwekituuse mu kunyiga emmere n'ayolesa obukodyo ssaako n'enkwata y'omulawo obwedda bakira esanyula ababadde bazze okulaba empaka zino.

Omusajja ng'azze okuvuganya mu mpaka z'okufumba

Empaka zino oluvanyuma abasazi bempaka zino okuva mu Nankya catering service nga bali wamu ne Judith Namulema akola pulogulamu ya Kasalabecca ku Bukedde TV balangiridde Nalongo Sylivia ng'omuwanguzi wempaka zino,naddirirwa Janat Najjingo olwo Salongo Vicent Masembe n'akwata ekyokusatu ate Yasin Kabanda n'awangula mu zabasiisi ba Chapati.