Kasalabecca
Nince Henry eby'okuta oluyimba olupya bimwonoonekedde
Ng’alanga oluyimba luno, Nince yakozeseza ekifaananyi kya Pulezidenti Museveni kw’ossa n’ekya Robert Kyagulanyi.Ng’alanga oluyimba luno, Nince yakozeseza ekifaananyi kya Pulezidenti Museveni kw’ossa n’ekya Robert Kyagulanyi.
Nince Henry eby'okuta oluyimba olupya bimwonoonekedde
By: Musa Ssemwanga, Journalist @New Vision
NINCE Henry yatadde oluyimba ‘Ofunda n'e Chupa’ era abantu batandikiddewo okulwogerako nga buli omu awa endowooza ye.
Yadde nga guli gutyo, omuyimbi ono bwe yabadde alanga oluyimba luno, yakozesezza ebifaananyi by’omuntu omulala nga tamuwadde lukusa. Ng’alanga oluyimba luno, Nince yakozeseza ekifaananyi kya Pulezidenti Museveni kw’ossa n’ekya Robert Kyagulanyi.
Nnannyini kukuba n’okusiiga ebifaananyi bino amanyiddwa nga Hillary Mugizi (Ezithecreative) wano we yaviiriddeyo n’alaga obutali bumativu eri Nince Henry era n’amusaba okumuliyiririra oba okumukuba mu mbuga.