Ebonies ezannye ku kabi akali mu kucanga abawala

BANNAKATEMBA ba Ebonies bacamudde abawagizi n’omuzannyo gwa Valentayini ogwa In the name of love, ogwabaddeyo ku wiikendi ku Theater Labonita. 

Baana bawala abanyirira baalaze ekitone ku siteegi nga bazannya katemba nga bwe babuulirira abaagalana akabi n’ebizibu by’okubeera n’abaagalana abangi ssaako akabi akali mu kukulembeza ssente mu nsonga z’omukwano.

Abazannyi Ba Ebonies Ku Siteegi.

 Bakira bazannya nga bwe babuulira abaagalana abaabadde abazze mu bungi ate nga bwe babasesa. 

Gwabaddemu abazannyi ab’amannya omuli Sam Bagenda eyebadde acanga abakyala wabula gye byaggweredde ng’abakazi bamuguddemu. 

Ye Lynnet Zen owa Bukedde TV eyabadde muninkini wa Doctor Gordon mu muzannyo, yamuwaddeyo ewa nnagagga amuganze bafune obukadde 500 wabula omuwala n’agaana. 

Abalala mwabaddemu; Fauzia Nakiboneka, Evelynn Namulondo n’abalala.