GYE buvuddeko, omuyimbi Alien Skin yakubwa n’emmotoka ye n’eyonoonebwa abavubuka e Iganga bwe yali mu kivvulu era poliisi n’etandika omuyiggo gw’abaakola kino.
Agaliwo galaga nga ddiiru eno, bwe yamuweebwa Miriam Mutakubwa amanyiddwa nga Biggie Events wadde nga yali yategeeza nga bw’atakyaddamu kutegeka bivvulu bya nsi nti, azze ku bya Mungu we (ng’ategeka mikolo gya Kisiraamu).
Abawagizi ba Alien (abeeyita Fangone soldiers’) nga bwe batasiba zikweya, baatandikiddewo okulutambuza nga Biggie bwe yali mu lukwe lwa Alien Skin okukubwa e Iganga era yamanya buli ekigenda mu maaso.
Wabula Biggie agamba nti, abawagizi ba Alien balina okumwebaza kuba ye yaleeta omulimu n’aguwa omuntu waabwe ate nga guliko ssente eziwera.