Kasalabecca
Quex bamummye akazindaalo ne yeemulula mpola
OMUYIMBI George Kwesiga (Quex) eyayimba Kachumbali, oluyimba olwakuba ennyo mu kiseera kya Corona, bamummye akazindaalo.
Quex bamummye akazindaalo ne yeemulula mpola
By: Musa Ssemwanga, Journalist @New Vision
OMUYIMBI George Kwesiga (Quex) eyayimba Kachumbali, oluyimba olwakuba ennyo mu kiseera kya Corona, bamummye akazindaalo.
Ono yabadde ku ntujjo y’abaasomerako ku St. Henry’s College Kitovu e Masaka gye batuumye SHACK FEST, eyabadde ku Legends Rugby Grounds e Lugogo.
Yatuuse ekiseera n’ayagala okulinnya ku siteegi naye ayiseemu ng’endongo yatabye dda. Bakira MC amukakasa nga bw’ajja okumuyita era musajjawattu n’alinda nga buteerere.
Abavubuka Nga Bayayaana Okuzina Ne Karole Kasita
Yatuuse ekiseera n’ayagala okulinnya ku siteegi naye ayiseemu ng’endongo yatabye dda. Bakira MC amukakasa nga bw’ajja okumuyita era musajjawattu n’alinda nga buteerere.
Abayimbi okwabadde Kapeke, Karole Kasiita ne Elijah Kitaka olwabadde okulinnya ku siteegi okukuba abadigize omuziki, yalabise ng’atandise okuggwaamu amaanyi.
Quex Bw'afaanana.
Era yalabiddwaako nga yeemulula mpola mpola n’ava we yabadde ayimiridde ng’alinze akazindaalo n’agenda mu banne ne banyumirwa endongo n’okunywamu.
Abaabaddeyo baakoonye endongo nga bwe bawuuta ebbidde nga baagenze okuva mu kifo ng’obusubi babusaanyizzaawo. Karole Kasiita yabacamudde era buli lwe yalinnye ku siteegi ng’abavubuka baagala
okuzinako naye.