TOP

Ssentebe awabudde ab'e Kasambya

Added 16th July 2012

SSENTEBE w’e Mubende, Kibuuka Amooti alabudde abatuuze b’e Kasambya obutapapira kya kusaba disitulikiti kubanga ensonga eno erina kuyita mu mitendera egyetaagisa.

Bya DICKSON KULUMBA

SSENTEBE w’e Mubende, Kibuuka Amooti alabudde abatuuze b’e Kasambya obutapapira kya kusaba disitulikiti kubanga ensonga eno erina kuyita mu mitendera egyetaagisa.

“Bangi ku mmwe mwatandise dda okwejaga ku bikwatagana ne disitulikiti, naye mbawa amagezi mukindekere kubanga nze nnina ekisumuluzo ekibawa disitulikiti n’obutagibawa,” Kibuuka bwe yategeezezza.

N’agattako nti enteekateeka y’ebitundu bino Kasambya ne Kassanda okufuuka disitulikiti ezeetongodde okuva ku Mubende zigenda mu maaso ng’ebiwandiiko byonna ebikwata ku Kassanda ne minisita Adolf Mwesigye owa Gavumenti ez’ebitundu, yabisiima wabula akyalina akabuuza n’ebye Kasambya.

“Nnali ne minisita e Jinja ne twogera ku kusaba kwammwe n’antegeeza nti ebiwandiiko bya Kassanda birungi wabula eby’e Kasambya birina okutereezebwa.

N’olwensonga eyo mbasaba mundekere omwana wange ono kuba muyinza okuntataaganya ne munzaaza omwana ow’ekitundu,” bwe yagasseeko.

Kibuuka bino yabyogedde asisinkanye abatuuze b’eggombolola y’e Kasambya ku kitebe ky’eggombolola eno wiiki ewedde. Okwogera bw’ati kiddiridde abagenda bakakasa abantu nga disitulikiti bw’ejja amangu era n’abalala ne batandika okwekwata ebifo.

Ssentebe w’eggombolola eno, George William Ssentongo yategeezezza nti enkola za Gavumenti zitambula bulungi wabula ekizibu kiri mu nkola ya NAADS.

Kibuuka yamuwabudde nti atereeze obuzibu bwonna obuli mu ggombolola eno singa ekitundu kino kyakufuuka disitulikiti. Abatuuze bakaabidde ssentebe ebizibu okuli enguudo embi okugeza oluva e Bagezza okudda e Kabamba.

Ssentebe awabudde ab’e Kasambya

More From The Author

Emboozi z’omuwandiisi endala

Emboozi endala

Omumyuka wa Pulezidenti wa FDC Joyce Ssebuggwawo (ow’okubiri ku ddyo) ng’atongoza akakiiko k’ekibiina akagenda okuyigga obululu bwakyo mu Kampala ne Wakiso.

FDC etongozza akakiiko akan...

FDC etongozza akakiiko akagenda okunoonyeza abantu baayo akalulu mu Kampala ne Wakiso n’etegeeza nti Col. Kiiza...

Shakira Bagume ng'ayonsa bbebi we

Laba okusoomooza bamaama ab...

Okuyonsa abaana kyankizo nnyo eri abaana abawere era Maama yenna ateekeddwa okuyonsa kino kisobozese omwana okukula...

Aba LDU bazzeemu okukola eb...

ABASERIKALE b’eggye ekkuuma byalo erya LDU, bazzeemu okukola ebikwekweto okufuuza abateeberezebwa okubeera abamenyi...

Poliisi ng'eggyawo omulambo gwa Mukiibi

Omusuubi w'e Nakulabye yeek...

OMUSUUBUZI w’e Nakulabye omututumufu aguze amafuta ga petulooli ne yeekumirako omuliro mu kinaabiro emisana ttuku...

Abeegwanyiza entebe y'obwap...

EBBUGUMU lyeyongedde ku kitebe ky’akakiiko k’ebyokulonda abantu abeegwanyiza entebe y’obwapulezidenti bw’eggwanga...