AMAZZI g'ennyanja Nalubaale eyabooga ne gasalako oluguudo katono galemese Minisita okutuuka ku mwalo gw'e Kamuwunga mu Lwera. 

Mininisita w'eggwanga ow'amazzi n'obutonde Beatrice Anywar obuzibu yabusing'anye ku ssomero lye Kamuwunga bwe basoose okumutiisa  nti mmotoka ye tesobola kusaabala mazzi aganjadde mu mugga Yoludaani ne bamuleetera akaato bamusaabalizeemu.     

Wano abakungu ba NEMA n'omubaka omukyala owa Kalungu mu Paalamenti Aisha Ssekindi n'amyuka RDC Hajat Sarah Nanyanzi be basoose okusaabalira mu kaato bakakase minisita nti bisoboka.     

Oluvannyuma mmotoka ya NEMA yasoose mu mazzi bwe yagayisermu n'eya minisita negigoberera ne batuuka ku mwalo.

Anywar eno yagenzeeyo okwekkaanya butya bwassa mu nkola ebiragiro bya Pulezidenti okusengula abantu bonna abatyobodde obutonde bw'embalama z'ennyanja entobazi n'emigga.