TOP
  • Home
  • Amawulire
  • Poliisi ekutte mmotoka za kkampuni y'Abachina ey'oluguudo lwa kwonoona kkolaasi

Poliisi ekutte mmotoka za kkampuni y'Abachina ey'oluguudo lwa kwonoona kkolaasi

Added 10th June 2020

POLIISI n'ekitongole ky'obutonde bw'ensi bakutte mmotoka za kkampuni y'Abachina ekola oluguudo lwa Busega - Mpigi lwa kwonoona lutobazi.






Poliisi y'e Nakirebe ng'eri wamu ne poliisi y'ekitongole kya NEMA ekivunaanyizibwa ku butonde bw'ensi bakutte mmotoka za kkampuni ya China Civil Engineering Construction Corporation (CCECC) ekola oluguudo lwa Busega - Mpigi lwa kwonoona butonde bwa nsi e Kavule mu Mpigi town council ne bazitemako nnamba zaazo ne bazitwala. 

Ebimotoka bya kampuni eno okuli ebisomba ettaka ne bittulakita ebisenda, okukwatibwa kiddiridde okuzikwata lubona nga ziyiwa ettaka mu lutobazi e Kavule mu Mpigi. 

Poliisi ng'ekulembeddwamu OC w'e Nakirebe Joshua Rugwiza basazeeko mmotoka ezibadde ziyiwa ettaka ezisoba mu ttaano ne bazitemako nnamba puleeti  ne bazitwala kyokka baddereeva baazo ne babulawo. 

Omu ku bakungu mu kkampuni eno Peter Lee atuuse mu kifo kino n'abamu ku bakozi be ne beegayirira poliisi n'abakungu ba NEMA babasonyiwe kyokka ne bagaana era mmotoka zino ne zisikibwa ne baziteeka mu kabuga k'e Kavule nnamba puleeti zaazo ne zitwalibwa. 

Rugwiza ategeezezza nti ensonga zino azikwasizza poliisi ya NEMA era baakuvunaanibwa omusango gw'okwonoona obutonde bwensi era n'alabula ne kkampuni endala ezigufudde omugano okuyiwa entuumu z'ettaka mu ntobazi nti baakukwatibwa.

More From The Author

Emboozi z’omuwandiisi endala

Emboozi endala

Mmotoka ya minisita Atwoki eyakubiddwa amasasi.

Minisita asimattuse amasasi

Minisita omubeezi avunaanyizibwa ku byenfuna mu offiisi y'omumyuka wa Pulezidenti, Dr Baltazar Kasirivu-Atwooki,...

Kiddu (ku kkono) ne munne.

Bannabyamizannyo abattiddwa...

Nga December 30 omwaka oguwedde, abantu abatamanyiddwa baasindiridde Isaac 'Zebra' Senyange, eyaliko kapiteeni...

Sserunjogi ng’alaga ebintu by’atonaatona omuli essaati, ebikopo n’ebirala ebikozesebwa mu kunoonya obululu okusikiriza abalonzi.

Sserunjogi kkampeyini aziko...

AWAGWA ekku tewabula kalondererwa, ekiseera kya kkampeyini bangi bakikozesezza okuyiiya ssente era gubeera mugano...

Ssentebe Andrew Kasatiiro ng'agezaako okunnyonnyola abaatafunye butimba.

Ab'e Jinja Kalooli batabuki...

Abatuuze b'e Jinja Kalooli mu Wakiso beeweereza ebisongovu n'abakulembeze baabwe lwa butabawa butimba bwa nsiri....

Kasibante ku mpingu  ng'akwatiddwa.

Agambibwa okugezaako okufum...

OMUSUUBUZI   aloopye omuvubuka ku poliisi n'amulumiriza  okumuggyiraayo ekiso amufumite abaduukirize ne bamutaasa....