Bya ERIC YIGA
ABATUUZE ku mwalo gw'e Katosi mu disitulikiti y'e Mukono beekozeemu omulimu mu nkola ya bulungi bwa nsi ne bazimba akaduukulu k'abaana abali wansi w'emyaka 18.
Bakikoze mu nkola y'okwongera okulwanyisa obumenyi bw'amateeka ate n'okukuuma eddembe ly'abasibe nga tebafuutikiddwa mu buddukulu.
Okusinziira ku ssentebe w'ekitundu kino Mayinja Walugembe ategezeza ng'abatuuze bwe beekozemu omulimu okukunganya ebikozesebwa mu kuzimba ebikozeseddwa mu mulimu guno gumazeewo 70.
Atwala poliisi y'ekitundu kino, Fauz Cox Ali ategeezezza nga kino ekikoleddwa bwe kigendereddwamu okutumbula
omutindo gw'ebyobuyonjo mu makomera ate nga ly'ekkomera ly'abato erisookedde ddala e Mukono.
Bwabadde aggulawo akaddukulu kano atwala poliisi ya Kampala East Michel Musani atenderezza enkolagna ya poliisi n'omuntu wa bulijjo mu kulwanyisa obumenyi bw'amateeka mu kitundu.