Abafamire n'emikwano bagenze ku bbaala ey'amaanyi eyitibwa Nexus esangibwa e Najjeera okukungubagira abadde nnannyini yo Ivan Kakooza.

Kigambibwa nti Kakooza yafudde Corona oluvannyuma lw'okuddusibwa mu ddwaaliro e Mulago ng'ali bubi.

Isaac Rucci abadde mukwano gwa Kakooza nfanfe yategeezezza nti yamukubira essimu n'amutegeeza nga bwe yali tawulira bulungi.

Rucci agamba nti yamuwa amagezi agende akeberwe Corona era nti oluvannyuma kyazuulwa nti yalina ssennyiga ono omukambwe.

Agamba nti Kakooza abadde ku byuma ebiwanirira amawugwe okussa okumala ennaku 14 kyokka ng' ayogera bulungi era nti yeewuunyizza okumutegeeza nti yabadde afudde.

Rucci agambye nti eby'okuziika bakyalinda kulungamizibwa minisitule y'ebyobulamu.