TOP

Omukazi yankyusa embeera

Added 14th October 2020

BWE nali nvubuka, nalabanga abaagalana nga mbeegombesa okutuusa lwe nafuna omuntu wange gwe neesiimidde.

BWE nali nvubuka, nalabanga abaagalana nga mbeegombesa okutuusa lwe nafuna omuntu wange gwe neesiimidde.

Nze Kenneth Mutagubya, mbeera Kibuye mu Kampala.

Mu 2012 nali nkolera mu katale ka Owino gye nasisinkana mwana muwala eyanyirira okuzaama. Olwamukubako eriiso omutima ne gumusiima era ne ntandikirawo okumusuula obugambo. Omuwala ono naye yali akolera mu katale ke kamu.

Nnamwesibako nga njagala muwase mangu baleme kumunsooka kubanga nnali mulabyemu essuubi. Mu wiiki nga bbiri nali mmaze okumuwangula era okukkakkana ng'ali waka antokoseza ttooke.

Twatambuza bulungi omukwano gwaffe wadde era obulamu tebubulamu bisoomooza. Nze kye nasooka okuzuula ku mukwano nti temusobola kuwangaala nga mwenna mwewulira eryanyi wabula walina okubeerawo omukwatampola oba omukkakkamu. Mu bbanga ery'emyaka omunaana lye naakamala naye, tanobangako newankubadde oluusi wabeerawo obutakkaanya ku nsonga ezimu naye tubugonjoola.

Ebimu ku bye nsinze okwenyumiriza mu mukyala wange yakyusa embeera zange okuva lwe nnamufuna ate yampa n'ekitiibwa kya taata era nga wenjogerera tulina abaana babiri. Okumanya mukyala wange akyusizza ebintu, nze eyali yeeyoleza n'okufumba ebyo byonna yabinneerabiza.

Abakyala abasinga kasita akulaba nga enfuna yo si nnungi nga beecanga oba nga beekwasa obusongasonga ne banoba naye owange wadde embeera si ya ssente nnyingi naye akyaliwo.

Nkubiriza abavubuka nga tebannawasa okusooka okweteekateeka obulungi bafunewo ku ssente ne bwe zitaba nnyingi naye nga zisobola okubabeezaawo kubanga tewali mukwano guyinza kuwangaala nga temuli ssente kubanga n'omukazi bayinza okumukubbako

 

More From The Author

Emboozi z’omuwandiisi endala

Emboozi endala

Lukwago (ku ddyo) mu lukiiko.

Lipooti ku ddwaaliro lya KC...

MU lukiiko Loodi Mmeeya Erias Lukwago mwe yayombedde olwa Gavumenti okusala ssente zegenda okuwa KCCA, yayanjudde...

Abawagizi ba NUP nga batongoza ekipande kya Bobi ekipya.

Lwaki Bobi akyusizza akakoo...

OMUBAKA Kyagulanyi Sentamu ‘Bobi Wine’, akyusizza ekifaananyi kye ekitongole ekigenda okukozesebwa ku kakonge mu...

Ettaka osobola okulikubirako bbulooka ng'ono omuvubuka.

By'olina okukolera ku ttaka...

Ettaka kye kimu ku by'obugagga ebirabwako omuntu by'abeera nabyo abantu abatali bamunda ne bategeera obukozi bwe...

Paasita Ssennyonga ng'ayogerera mu lukung'aana lwa bannamawulire

Paasita Ssenyonga yeeyamye ...

OMUSUMBA Jackson Ssenyonga owa Christian life church e Bwaise yeeyamye okulabirira abaana ba Pasita Yiga abanaakeberebwa...

Ekisse Paasita Yiga Mbizzaa...

PASITA Augustine Yiga Abizzaayo afiiridde ku myaka 43. Ono abadde nga nnawolovu atafiira ku bbala limu.