TOP

Omusika wa Yiga alaze bw'agenda okuddukanya ekkanisa

Added 3rd November 2020

Jjengo ( owookubiri ku kkono) ne Twinomugisha abadde ajjanjaba Pasita Yiga.

Jjengo ( owookubiri ku kkono) ne Twinomugisha abadde ajjanjaba Pasita Yiga.

PASITA Andrew Jjengo eyasikidde Augustine Yiga Abizzaayo alaze bw'agenda okuddukanya ebyobugagga bya kitaawe eyaziikiddwa ku Ssande.

Jjengo 23, ye yazze mu bigere bya kitaawe abadde akulembera Revival Christian Church, ABS TV ne Revival Band. "Taata abadde kyakulabirako gyendi mu
by'omyoyo n'ebyoku nsi era andekedde omugugu munene gwe nnina okwetikka.

Abalowooza nti ekkanisa ne ttivvi ya ABS bigenda kugwa mbakakasa nti bigenda
kweyongera maanyi", bwe yategeezezza.

N'agamba nti kitaawe yamulekedde baganda be ba mirundi esatu b'alina okulabirira era
b'agenda okutambulizaako obuweereza bwe. Abasooka be baganda be ab'omu ntumbwe, kyokka yalaze okutya olw'okuba nga bakyali bato mu myaka kuba
amuddako wa 16 addako 14 n'abalala ne bagoberera.

Baganda be abookubiri be bakozi ba ABS TV kuba Yiga abadde takola kintu
kyonna nga tabasasudde. Yabakuutidde okusigala nga bali bumu era nga baagalana nga ye (Yiga) bw'abadde abaagala.

Jjengo yagambye nti alina obusobozi n'obumanyirivu ebijja okumusobozesa okutwala
mu maaso emirimu gya kitaawe n'akikkaatiriza nti; "tewali kigenda kudda
mabega".

Yasiimye amawulire ga Uganda n'agamba nti nga gwe mulundi ogusoose yalabye nga bawandiika ebintu ebituufu ku kitaawe n'okusinga bwe gubadde nga mulamu.

Ekyabadde mu kuziika ku Ssande kyamulaze bulungi nti bulijjo abalwanyisa kitaawe
bamala biseera.

Mu kiraamo kya Yiga kye yakola nga August 28, 2020 yawadde Jjengo ekifo ky'okubeera Pasita omukulu ow'ekkanisa wadde nga waliwo bapasita abalala bangi
b'alabamu obusobozi.

Yakuutidde abagoberezi n'abakadde b'ekkanisa okuwabula Jjengo mu nzirukanya y'emirimu kuba amulese akyali
muto mu myaka.

Mu ngeri y'emu era Jjengo gwe yalonze ng'omusika we ow'omusaayi era yamukuutidde okugatta abaana bonna b'alese azadde.

YIGA YAFUDDE YEENENYEZZA
Kelisha Twinomugisha abadde ajjanjaba Yiga mu ddwaaliro yagambye nti
ekiseera Yiga ky'amaze e Nsambya nga mulwadde yafunye omukisa ogwenenya.

Yamufunidde Pasita eyamusabidde ne yeenenya era we yafiiridde nga yeenenyezza ebibi. Yasabye abantu bonna
abaliko omugenzi bye
yabasobya okumusonyiwa.

Pasita Andrew Jjengo
Njagala kutereeza nti ekkanisa tebagisikira. Ekyasomeddwa mu
kkanisa tekyabadde kiraamo. Byabadde bigambo bya Yiga ebyasembayo.

Ekkanisa kya bugagga kya bantu bonna kubanga be baagizimba. Eby'obugagga ebisikirwa bye biri mu kiraamo. Eby'ekiraamo n'ebyabadde
mu lukiiko lwa ffamire nja kubyogerako luvannyuma.

Kelisha Twinomugisha abadde ajjanjaba Yiga ku kitanda:
Yiga yambuulira ebintu bye bingi. Ekirungi yalese atukwataganyizza
n'omusika Pasita Jjengo.

More From The Author

Emboozi z’omuwandiisi endala

Emboozi endala

Mabiriizi ng'ali mu kkooti.

Ssaabalamuzi Owinyi Dollo a...

MUNNAMATEEKA Hassan Male Mabiriizi asitaanidde mu kkooti ey’oku ntikko ng’agezaako okukkirizisa Ssaabalamuzi Alfonse...

Abamu ku bakulira amasomero g'obwannannyini nga bava mu lukiiko.

Abakulira amasomero g'obwan...

ABAKULIRA amassomero g’obwannannyini bapondoose ne bakkiriziganya ne Gavumenti okuggulawo amasomero gaabwe n’okutandika...

Abakristu nga basaba RDC Jjemba ennamba y'essimu ye oluvannyuma lwa Mmisa e Nangabo.

Amyuka RDC w'e Kasangati ag...

Bya Moses Nyanzi  OMUMYUKA wa RDC w'e Kasangati, Nansana ne Makindye Ssaabagabo, Moses Jjemba  agumizza abatuuze...

Abamu ku bantu abaliko obulemu ne bulangiti ze baafunye.

Abakulembeze b'abaliko obul...

Omumbejja Mazzi, yategeezezza nga mu Wakiso bwe balina ekizibu ky'abantu abeerimbika mu baliko obulemu ng’ebintu...

Ronald Balimwezo Mmeeya w'e Nakawa ng'ayogera eri bakkansala b'e Nakawa mu lukiiko lwa kanso. Ku kkono ye Sipiika Moses Mubiru ate ku ddyo ye Town Clerk, Denis Omodi.

Balaajanidde Gavt ku nkaaya...

'Ensonga ey'ensalo beetaaga okugikolako mu bwangu okusobola okugonjoola obuzibu bw’entalo zino kubanga kino kizibu...