MINISITA w'ebyettaka, Beti Kamya agugumbudde bannabyabufuzi abawakanya pulojekiti za Gavumenti, ekivuddeko Bannakampala okusigalira emabega.

Bino yabyogeredde Lubaga ku mukolo kwe yasisinkanidde abattakisi abeegattira
mu kibiina kya Joint Taxi Operators Consortium abeewaayo okunoonyeza
Pulezidenti Museveni akalulu.

Yagambye nti abamu ku bakulembeze b'e Kampala beeyagaliza bokka ng'ensako gye baweebwa nga abakulembeze tebagivumirira kyokka bwe kituuka ku pulojekiti
Gavumenti z'ereeta okutereeza embeera ya Bannakampala ate ne bagivumirira ekiraga obutayagaliza bantu be bakulembera.