TOP
  • Home
  • News
  • Tetujja kukkiriza kutugoba ku ttaka lyaffe - Batuuze

Tetujja kukkiriza kutugoba ku ttaka lyaffe - Batuuze

Added 6th November 2020

Abatuuze nga batadde emisanvu mu luguudo.

Abatuuze nga batadde emisanvu mu luguudo.

ABATUUZE ku byalo bina okuli; Kasanje, Bbuuliro, Bugere ne Kitunga mu ggombolola y'e Kyesiiga mu disitulikiti y'e Masaka bavudde mu mbeera ne beekalakaasa nga bakutte emiggo n'amajambiya n'okussa emisanvu mu luguudo nga bawakanya omugagga okubagoba mu bibanja byabwe bye bamazeeko emyaka egisoba mu 40.

Kigambibwa nti ettaka lino liriko abantu abasoba mu 400 nga lya yiika 320. Lyali lya Bayindi abaali balimirako ebikajjo ne bagobebwa Idi Amin mu myaka gy'e 70 ettaka ne litwalibwa abantu ab'enjawulo.

Abatuuze bagamba nti beewuunyizza omugagga Joseph Bukenya abeera e Masaka okuvaayo n'ategeeza ng'ettaka bwe liri erirye. Waayitawo akaseera katono ne bafuna amawulire nga bwe yaliguzizza Mentediyo Kasujja nga ye yatutte abapunta
okulipima nga yabadde n'abantu abaakoonye amayumba ne bagasuula ku ttaka
n'okusaawa ebirime.

Kino kyaggye ababadde babeera ku ttaka lino mu mbeera ne baziba oluguudo oluva e
Masaka okudda ku ggombolola y'e Kyesiiga ne bakwata emiggo, amajambiya n'embazzi nga bwe bawera okufaafaagana n'ababagoba ku ttaka.

Abaserikale okuva ku poliisi y'e Kyesiiga baayanguye okutuuka ne bakkakkanya embeera.
Kyokka abatuuze baaweze nga bwe batajja kukkiriza kubagoba ku ttaka ne basaba aboobuyinza okuyingira mu nsonga zaabwe.

  • TAGS:

More From The Author

Emboozi z’omuwandiisi endala

Emboozi endala

Pasita Caleb Tukaikiriza ng'ayogera mu lukiiko. Ku ddyo ye Bbaale.

Abawala 300 mu Kalungu bazz...

OMUBAKA wa Gavumenti, Pastor Caleb Tukaikiriza agugumbudde abazadde abatatuukirizza buvunaanyizibwa bw’okukuuma...

Abazannya ‘Bizzonto’ nga beegezaamu.

Abazannya komedi wa 'Bizzon...

POLIISI ezzeemu okukwata abasajja abazannya komedi wa ‘Bizzonto’ ne basimbibwa mu kkooti ya Buganda Road gye babasomedde...

Kluthum

Kluthum ayogedde ku katambi...

MUKYALA wa Sheikh Muzaata Batte, Kluthum Nabunnya ayogedde ku katambi akaamutabula ne bba bwe yali ayogera ne ‘hawusibooyi.’...

Bannamateeka ba Kyagulanyi okuli Medard Lubega Sseggona ( ku kkono), Muwanda Nkunnyingi ne Sam Muyizzi.

Kkooti esazeewo ku gwa Kyag...

KKOOTI ekkirizza Kyagulanyi okuggyayo omusango gw’obululu gwe yawaaba wabula abalamuzi baakuwa ensala yaabwe ku...

Siraje Kiyemba Expert ng’alaga ebirabo by’atunda.

Kaadi n'ebirabo byongereko ...

OBADDE okimanyi nti ekirabo ky’otunda okwagaliza omuyizi okukola obulungi ebibuuzo eby’akamalirizo osobola okukyongerako...