TOP
  • Home
  • News
  • Ebya Bobi bituuse mu ofiisi y'ekibiina ky'amawanga amagatte

Ebya Bobi bituuse mu ofiisi y'ekibiina ky'amawanga amagatte

Added 21st November 2020

Stephanie

Stephanie

ENSONGA z'okukwata Robert Kyagulanyi (Bobi Wine) zituuse mu ofiisi ya Ssaabawandiisi w'ekibiina ky'amawanga amagatte mu kibuga New York ekya Amerika.

Omwogezi wa ofi isi eyo, Stephane Dujarric yasabye Bannayuganda okubeera abakkakkamu nga balaga obutali bumativu mu kwekalakaasa kwabwe n'ajjukiza Gavumenti n'ebitongole ebikuumaddembe okukwata obulungi abeekalakaasi.

Ku lwa Ssaabawandiisi w'ekibiina ky'amawanga amagatte, António Guterres, Stephane yagambye nti balondoola ebiri mu Uganda n'asaba buli ludda olutakkaanya na
lunnaalwo okukuuma eddembe.

EKITEBE KYA AMERIKA MU UGANDA NAKYO KYOGEDDE
Ekitongole kya Amerika mu Uganda nakyo kyafulumizza ekiwandiiko nga kisaba abatakkaanya bakkaanye ku lw'obulungi bw'eggwanga.

Kyalaze obwennyamivu olw'abaafi iridde mu kwekalakaasa okwabalukawo ku Lwokusatu nga Bobi Wine akwatiddwa e Luuka.

OWA BUNGEREZA AWADDE AMAGEZI
Omubaka wa Palamenti ya Bungereza, Dr. Paul Williams aludde ng'agoberera ebikwata ku Uganda naye yawadde amagezi ku bya Bobi Wine.

Yatadde obubaka ku twitter ng'asaba Bannayuganda abatali bamativu n'ebigenda mu maaso okwekubira enduulu mu ofiisi y'eggwanga lye ekola ku nsonga z'amawanga amalala bafune bw'ebayamba.

Williams amaze ebbanga ng'awa ebirowoozo bye ku bigenda mu maaso mu Uganda, waliwo Bannayuganda abazze bamulagira aleke kubyeyingizaamu kubanga okuva
Uganda lwe yafuna obwetwaze nga October 9, 1962 yafuuka ggwanga eryetongodde.

Bobi Wine eggulo yayimbuddwa . Abadde avunaanibwa ogw'okukuηηaanya abantu
abasukka mu 200 mu nkuηηaana z'asabiramu akalulu k'Obwapulezidenti ekimenya amateeka ga minisitule y'ebyobulamu okulwanyisa COVID19.

  • TAGS:

More From The Author

Emboozi z’omuwandiisi endala

Emboozi endala

Mmotoka ya minisita Atwoki eyakubiddwa amasasi.

Minisita asimattuse amasasi

Minisita omubeezi avunaanyizibwa ku byenfuna mu offiisi y'omumyuka wa Pulezidenti, Dr Baltazar Kasirivu-Atwooki,...

Kiddu (ku kkono) ne munne.

Bannabyamizannyo abattiddwa...

Nga December 30 omwaka oguwedde, abantu abatamanyiddwa baasindiridde Isaac 'Zebra' Senyange, eyaliko kapiteeni...

Sserunjogi ng’alaga ebintu by’atonaatona omuli essaati, ebikopo n’ebirala ebikozesebwa mu kunoonya obululu okusikiriza abalonzi.

Sserunjogi kkampeyini aziko...

AWAGWA ekku tewabula kalondererwa, ekiseera kya kkampeyini bangi bakikozesezza okuyiiya ssente era gubeera mugano...

Ssentebe Andrew Kasatiiro ng'agezaako okunnyonnyola abaatafunye butimba.

Ab'e Jinja Kalooli batabuki...

Abatuuze b'e Jinja Kalooli mu Wakiso beeweereza ebisongovu n'abakulembeze baabwe lwa butabawa butimba bwa nsiri....

Kasibante ku mpingu  ng'akwatiddwa.

Agambibwa okugezaako okufum...

OMUSUUBUZI   aloopye omuvubuka ku poliisi n'amulumiriza  okumuggyiraayo ekiso amufumite abaduukirize ne bamutaasa....