TOP
  • Home
  • News
  • Kasikonda amusse ayigga kalulu

Kasikonda amusse ayigga kalulu

Added 25th November 2020

Nakibinge

Nakibinge

KASIKONDA akutte eyeesimbyewo ng'anoonya akalulu n'aziyira. Amulumye okumala
ennaku nnya ng'assiza ku byuma oluvannyuma n'afa.

Christopher Nakibinge, abadde yeesimbyewo ku bwassentebe bwa LC III e Bweyogerere mu munisipaali y'e Kira ku kaadi ya DP era y'abadde ssentebe wa LCI
mu Bweyogerere Central.

Christopher Mutebi, mutabani w'omugenzi, yategeezezza nti ssentebe yavudde mu kunoonya akalulu wiiki ewedde kasikonda n'amukwata.

Bwe yeeyongedde okusikondoka, n'akaluubirirwa okussa ne bamutwala e Mulago.
Ebbanga ly'amazeeyo abadde assiza ku byuma okutuusa ku Mmande lwe
yafudde.

Mutebi yategeezezza nti kitaawe yasemba okwogera nga yaakalwala n'amulagirira we yali aterese ssente aziggyeyo asasule abaamukubidde ebipande.

Ensonda zaategeezezza nti abasawo baasooka ne bakebera Nakibinge okuzuula oba alina Corona ne basanga nga talina.

Eggulo baamusabidde ku Klezia ya Our Lady ku Kayembe e Bweyogerere.
Bamuziika leero e Kisoga Mukono.

Hussein Wasswa Kaweesi, ssentebe wa DP mu muluka gw'e Kireka yagambye nti
baakumye olumbe ku ofiisi z'ekitebe kya divizoni y'e Bweyogerere ku Mmande okukungubagira omugenzi kyokka ne yennyamira olw'ekifo omugenzi ky'abadde yeesimbyeko okubayita mu ngalo kuba babadde beekakasa okukiwangula.

  • TAGS:

More From The Author

Emboozi z’omuwandiisi endala

Emboozi endala

Mmotoka ya minisita Atwoki eyakubiddwa amasasi.

Minisita asimattuse amasasi

Minisita omubeezi avunaanyizibwa ku byenfuna mu offiisi y'omumyuka wa Pulezidenti, Dr Baltazar Kasirivu-Atwooki,...

Kiddu (ku kkono) ne munne.

Bannabyamizannyo abattiddwa...

Nga December 30 omwaka oguwedde, abantu abatamanyiddwa baasindiridde Isaac 'Zebra' Senyange, eyaliko kapiteeni...

Sserunjogi ng’alaga ebintu by’atonaatona omuli essaati, ebikopo n’ebirala ebikozesebwa mu kunoonya obululu okusikiriza abalonzi.

Sserunjogi kkampeyini aziko...

AWAGWA ekku tewabula kalondererwa, ekiseera kya kkampeyini bangi bakikozesezza okuyiiya ssente era gubeera mugano...

Ssentebe Andrew Kasatiiro ng'agezaako okunnyonnyola abaatafunye butimba.

Ab'e Jinja Kalooli batabuki...

Abatuuze b'e Jinja Kalooli mu Wakiso beeweereza ebisongovu n'abakulembeze baabwe lwa butabawa butimba bwa nsiri....

Kasibante ku mpingu  ng'akwatiddwa.

Agambibwa okugezaako okufum...

OMUSUUBUZI   aloopye omuvubuka ku poliisi n'amulumiriza  okumuggyiraayo ekiso amufumite abaduukirize ne bamutaasa....