TOP
  • Home
  • News
  • Engeri Maradona gye bamusinza ng'eddiini olw'omupiira n'enjaga-

Engeri Maradona gye bamusinza ng'eddiini olw'omupiira n'enjaga-

Added 27th November 2020

Diego Maradona ng'afuuwa enjaga.

Diego Maradona ng'afuuwa enjaga.

EYALI nnakinku w'okuzannya omupiira, Diego Armando Maradona yavudde mu bulamu bw'ensi eno ku Lwokusatu akawungeezi. Yabadde ssaawa ya nnaku mu Argentina ne mu bagoberezi b'omupiira mu nsi yonna.

Lumu ng'ali mu lukiiko lwa bannamawulire, munnawulire omu yamugamba nti enjaga gye yanywanga ye yamuyamba okuzannya omupiira n'asobola okusukkuluma ku banne.

Mu kumwanukula, Maradona yamugamba nti, "Nsabe FIFA, etukkirize tufuneyo omuzannyi omu bamuwe enjaga akole ebyo bye nakolanga ku kisaawe bwe muba mulowooza nti nasambisanga njaga."

Buli eyali mu lukiiko olwo yatulika n'aseka. Mu kiseera ekyo, bangi baali bakimuteekako nti tekyali kitone kye, wabula yali njaga.

Maradona Coach

Kino Maradona yakiwakanyanga wadde nga yakkirizanga nti yanywanga enjaga. Maradona ayinza okuba ye muzannyi ekyasinze okuba ow'omutawaana mu nsi eno. Wadde nga waliwo okukubangana empawa ku ye n'Omubrazil Pele ani asinga, okwo kwe bagatta Cristiano Ronaldo ne Lionel Messi kyokka bangi bakkiriza nti ekitone kya Maradona tekiriddamu kulabwako.

Ku ssaawa nga 6:00 ez'omu ttuntu ku Lwokusatu mu Argentina, Maradona yafulumye ekisenge kye n'atuulako mu ddiiro kyokka yabadde tannawezaawo ddakiika 10 n'ategeeza mutabani we (omwana wa mwannyina) gw'abadde abeera naye nti ‘Me siento mal' ekivvunulwa nti, ‘I feel sick' mu Lungereza oba nti mpulira ndi mulwadde.

Mu kiseera ekyo, Maradona yazzeeyo mu kisenge era wayise essaawa nga 3 omukozi n'agenda alongoose mu kisenge kye yagenze okukwata ku Maradona nga yafudde dda.

Yapakuse n'akuba essimu era mu ddakiika ezitaaweze 10 ambyulensi 9 zaabadde zimaze okuyingirawo olwo abasawo ne bagezaako okukola kyonna ekisoboka okulaba nga bamuzza engulu okutuusa bwe baategeezezza nti afudde.

Emiranga gyatandikiddewo, ambyulensi zaamuvuze okumwongerayo mu ddwaaliro era ekyaddiridde ye Pulezidenti wa Argentina okulangirira nti omwagalwa w'abangi Diego Maradona afudde era n'alangirira ennaku 3 ez'okukungubaga.

"Wafuula eggwanga lyaffe nnamba emu. Watuwa essanyu eritagambika. Ggwe obadde asinga mu bonna era teri alikuvuganya. Weebale kubeera ku nsi kuno, Diego. Tugenda kukusubwa lubeerera," bwe bubaka pulezidenti wa Argentina, Alberto Fernández bwe yawereekerezza omugenzi Maradona.

Maradona abadde yaakamala wiiki 2 ng'avudde mu ddwaaliro oluvannyuma lw'omusaayi okwetukuta mu bwongo.

  • TAGS:

More From The Author

Emboozi z’omuwandiisi endala

Emboozi endala

Omulabirizi Luwalira ng'asimba omuti.

Ekkanisa ne bwekwata omulir...

Omulabirizi w'e Namirembe, Rt. Rev. Wilberforce Kityo Luwalira agumizza Abakristaayo nti wadde sitaani asiikudde...

Bisaka

Kiikino ekiraamo kya 'katon...

OWOBUSHOBOZI Bisaka yalese alaamye omulambo gwe bagukaze buli mugoberezi anaagenda ng’okusaba agulabeko ng’ekijjukizo....

Omujaasi Namutebi ku nnyumba ye gye baakoonye.

Omujaasi wa UPDF ali mu maz...

OMUJAASI wa UPDF ali mu maziga. Nnannyini ttaka amukoonedde ennyumba n’egwa ku ttaka ng’agamba nti tamwagala ku...

Omubaka Sserubula ne mukyala we nga babasabira.

Be baawangudde mu kalulu te...

SSAABADINKONI w'obusaabadinkoni bwa Lugazi, Canon George William Kityo agumizza abeetabye mu kalulu ne babawangula...

Zaake ng'alaga ekisipi ekimuyambako okugumya ekiwato

Zaake alumirizza abaserikal...

Omubaka wa munisipaali y’e Mityana Francis Zaake alumirizza abaserikale abaamutulugunyiza e Kireka okuddamu okumutulugunya...