TOP
  • Home
  • News
  • Ab'e Mbale basabye Museveni ebintu 10 bamuyiire obululu

Ab'e Mbale basabye Museveni ebintu 10 bamuyiire obululu

Added 27th November 2020

Pulezidenti Museveni ng’atuuka ku mukolo gw'okukuyega abakulembeze mu Mbale.

Pulezidenti Museveni ng’atuuka ku mukolo gw'okukuyega abakulembeze mu Mbale.

MUSEVENI bwe yabadde mu Bugisu baamubuulidde ebintu ebikulu bye baagala akole olwo basobole okumuyiira obululu mu kulonda kwa bonna mu 2021.

Pulezidenti Museveni amaze ennaku ssatu ng'atalaaga ebitundu bye Bugisu okunoonya akalulu okusobola okuddamu okuwangula entebe y'Obwapulezidenti. Yasookera mu kibuga Mbale gye yasisinkanira abakulembeze ba NRM okuva mu distulikitti okuli Bududa, Namisindwa, Manafwa, ne Mbale era nga yakomekkerezza okunoonya akalulu e Bugisu ku Lwokuna e Sironko gye yasisinkanide n'abakulembeze b'e Bulambuli.

EBINTU BYE BAAGAALA AKOLE
l Okubaddiza ebyabwe byonna obufuzi bwabwe obw'ensikirano, n'ettaka gavumenti kwe yateekako bbalakisi ne ofiisi za gavumenti ezimu.

1. Baagala ku misolo gye bakungaanya e Bugisu okuddiza ku mukulembeze waabwe ow'ensikirano okusobola okwekulaakulanya.

2.  Okubazimbira olubiri lw'obwakabaka waabwe Umukuka.

3.  Ekibira ekiri wakati mu kibuga ky'e Mbale okusengulwa ekibuga kisobole okugaziwa n'abantu bafune we bakolera.

4. Okwongera okusembeza Abagisu n'okubawa emirimu mu ofiisi za gavumenti.

5. Engeri e Bugisu gy'eri ensozi eziwerako n'ebyobuwangwa ebyenjawulo nga okusala Imbalu, baagala ekitundu ky'e Bugisu kifuulibwe ekyobulambuzi nga kino kigenda kuyamba ku gavumenti okwongera okuyingiza ssente eziva mu byobulambuzi.
lIndustrial Park y'e Mbale okwongerwamu amaanyi kiyambe mu kulwanyisa ebbula ly'emirimu.

6. Gavumenti eyongere okutuusa amasannyalaze e Bugisu n'okubayambako okwongera okuyiikuula ebyobugagga eby'omu ttaka mu kitundu kyabwe.

7.Okubakolera enguudo okuli olwa; Nalugugu - Budadiri, Kufu - Nambola - Magale, Bubulo - Bududa Circular, Mbale - Nkokonjeru, Simu-Pond - Buluganya n'endala.

Ebikonge Mu Nrm Ebyayanirizza Pulezidenti Museveni E Mbale Gye Yabadde Ng'ayigga Akalulu

8.  Okwongera okubawa endokwa z'emmwaanyi ennungi, okubafunira akatale n'okubayambako okuzongerako omutindo.

Ebintu bino Abagisu baabitisse omukulembeze waabwe ow'ensikiraano Umukuka III Owebamasaba Jude Mike Mudoma ne Minista ow'ebyamasannyalaze n'obuggagga obw'omu ttaka ate nga ye mubaka omukazi owa disitulikiti ya Manafwa Mary Goreti Kitutu.

Ate ssentebe wa NRM ku kyalo kya Busulani e Sironko yasabye Pulezidenti asalemu distulikiti y'e Sironko nti nnene nnyo abantu abamu tebafuna buweereza.
Enjawukana mu ba NRM nazo zaayogeddwaako era omubaka omukazi owa disitulikiti y'e Mbale mu palamenti, Connie Galiwango yasabye Pulezidenti okubatuuza agonjoole ensonga eno.

  • TAGS:

More From The Author

Emboozi z’omuwandiisi endala

Emboozi endala

Philly Bongoley Lutaaya eyasooka okwerangirira mu Uganda nga bwalina siriimu.

▶️ Omututumufu ku Bukedde F...

Omututumufu;Leero tukuleetedde Uganda by'etuuseeko mu myaka 35 gavumenti ya Pulezidenti Museveni gy'emaze mu buyinza...

Everest Kayondo

▶️ Mu byobusuubuzi ku Buked...

Mulimu Ssentebe w'abasuubuzi Everest Kayondo ng'asaba okubaawo enteeseganya wakati w'abasuubuzi ne bannannyini...

Biden n'embwa ye.

Biden aleese embwa ze mu Wh...

JOE Biden 78, akomezzaawo akalombolombo ka bapulezidenti ba Amerika ne ffamire zaabwe okubeera n'embwa oba ebisolo...

Abakyala nga basanyukira Ashraf Nasser owa NRM awangudde ekya meeya wa jinja Southern division.

Owa NRM awangudde obwameeya...

ASHRAF Nasser ow'ekibiina kya National Resistance Movement (NRM) awangudde ekifo kya Meeya wa Jinja Southern Division....

Nakidde n'abawagizi be nga b'atabuse.

Bamuwadde fotokopi eriko eb...

Wabaddewo olutalo mu kulangirira obululu mu zooni ya Kironde e Kabowa,  mu munisipaali y'e Lubaga, omu ku beesimbyewo...