TOP
  • Home
  • News
  • Ebinyeebwa bikolemu ebintu ebirala okubifunamu ssente

Ebinyeebwa bikolemu ebintu ebirala okubifunamu ssente

Added 1st December 2020

Buyongo n'ebyakola.

Buyongo n'ebyakola.

EBINYEEBWA by'otunda nga bya mpeke bikolere ekibalo okolemu ebintu eby'enjawulo oyongere okubifunamu.

Abalimi abamu babirima ne babitundira ku misiri nga tebannaba na kubikungula kulaba kye bayinza kufunamu. Abalala babikungula ne babikaza oluvannyuma ne babitundira mu bikuta. Ate abalala batwala n'obuvunaanyizibwa obubisusa ne bifuuka bya mpeke nga wano w'abitundira.

Wabula singa obitetenkanyiza n'obikolamu ebintu eby'enjawulo ojja kubifunamu okusinga atunda nga bw'obikungudde.

OKUBISIIKA N'OBISABIKA
Bisiike bikale bulungi oluvannyuma obyongereko omutindo ng'obisabika mu bipapula oba akaveera akalabika obulungi oyawukane ku mulala abisena ku kajiiko. Bye wandibadde otunda 200/- obitunda ku 500/- ng'obisiba mu bungi. Ate okyayinza n'okugifuula bizinensi ennene ng'obisiika n'obiguza abayizi abaddayo ku masomero. Oba ng'obigaba mu Supermarket.

ENSAANO Y'OKUTABULA N'OGIRYA
Ebinyeebwa bino era osobola okubisekula n'ofunamu ensaano gy'okozesa obutereevu mu mazzi n'olya.

EKIPOOLI
Osobola okubisekula n'okolamu ekipooli nga kino kirina akatale kagazi kubanga bakirya ku mugaati, okukirya nga bwe kiri, okukifumba n'okola enva.
By'okolamu ekipooli biyonje bulungi ng'oggyamu kasasiro, obunyeebwa obukaddiye oba ebyawumba kubanga bino birwaza.

EBYETAAGISA OKUKOLA EKIPOOLI
l. Ebikebe bya pulasitiika mu sayizi ez'enjawulo
2. Ebinyeebwa
3. Ekinu oba ekyuma ekibikuba

EKIBALO KY'EBINYEEBWA
I.Kkiro ensuse ya 5,500/- ne 6,000/-
II. Weetaaga kkiro emu okukola obukebe bubiri bwa 250gm obwa 5,000/-. Kiba kitegeeza nti kkiro emu ogifunako 4,000/- oba 5,000/-.
Sayizi endala 430gm etundibwa 9,000/- buli kamu ate 750gm gwa 15,000/-.
III. Bw'oba otunze mu bungi buli kakebe okafunako 2,000/-.
Wabula ebinyeebwa bino osobola okugifuula bizinensi ng'obiguza abayizi nga buli kkiro ya 7,000/- ku 8,000/-
Ssinga ofuna abazadde abagulira abaana baabwe ebinyeebwa bino abawerako obeera obafunamu ssente ezisobola okukubeezaawo.

Biwandiikiddwa Sarah Zawedde
okuva ku Pius Buyungo ayongera omutindo ku binyeebwa

  • TAGS:

More From The Author

Emboozi z’omuwandiisi endala

Emboozi endala

Munnamateeka wa Kyagulanyi, Sseggona (wakati) ng’awayaamu n’omuwandiisi wa NUP, , Lubongoya  (ku ddyo) ku kkooti .

Buubuno obukwakkulizo gavum...

GAVUMENTI eyagala Robert Kyagulanyi Ssentamu (Bobi Wine) alangirire nti tagenda kwetaba mu bikolwa bya kwekalakaasa...

Abantu nga balwana okutaasa ttaanibboyi eyabadde alaalidde mu byuma.

Ensiitaano y'okutaasa ttani...

POLIISI n'abadduukirize kyabatwalidde essaawa 11nnamba okutaasa ttanibboyi Abdu Sserunjogi ebyuma by'emmotoka gwe...

Loodi Meeya Lukwago.

Lukwago anaakolagana atya n...

MUNNAMATEEKA Erias Lukwago 50 asuubirwa okulayizibwa mu wiiki esooka eya June 2021 okutandika ekisanja ekyokusatu...

Kasasiro asuulibwa mu myala ne gizibikira.

15 beesowoddeyo okugonjoola...

ABEESOWODDEYO 15, banaasobola okumalawo ebizibu ebitawaanya abantu ba Kyengera Town Councli ebiremye Abdul Kiyimba?...

Rogers Mulindwa

'Manifesito ya NRM ebyemiza...

ROGERS MULINDWA - OMWOGEZI WA NRM Nsooka okwebaza bannabyamizannyo olw'obuwagizi era njagala okubagumya nti...