TOP
  • Home
  • News
  • Nakalema asabye okumuloopera abakozi ba Gavt. abalya enguzi

Nakalema asabye okumuloopera abakozi ba Gavt. abalya enguzi

Added 2nd December 2020

Nakalema

Nakalema

AKULIRA akakiiko akalwanyisa enguzi mu maka g'obwapulezidenti Lt. Col. Edith Nakalema asabye abantu okumuloopera abakozi ba gavumenti bonna abeenyigira mu kulya enguzi.

Nakalema yabadde ku mukolo ogwategekeddwa ebibiina by'obwannakyewa ebirwanyisa enguzi ogwatuumiddwa Anti-Corruption Convetion 2020 n'agamba nti ofiisi ye tesosola mu kika kya bantu nga bakola emirimu gy'okulwanyisa enguzi.

Okwogera bino yabadde addamu okwemugulunya kwe yafuna ng'abantu bagamba nti abamu ku banene n'abakungu ba NRM abeenyigira mu kulya enguzi akakiiko kano tekabakwatako wabula Nakalema agambye nti bonna be bamuloopera mu ofiisi ye abanoonyerezaako era abaliko obujulizi batwalibwa mu kkooti.

Yagambye nti emirundi mingi gy'akoze okunoonyereza ku bakungu mu gavumenti ng'abasinga be bamu ku be bayita abanene naye yabakwata oluvannyuma lw'okufuna obujulizi era bangi baasimbibwa mu kkooti n'abamu ne basulako mu kkomera.

Yayongedde n'asaba abantu okumuloopera bonna abagenda ne bafera nga beeyita abakozi mu maka g'obwapulezidenti olwo ne babba abantu mu ngeri ez'enjawulo naddala nga babasaba ssente ku nsonga ez'enjawulo.

Yagambye nti ne bw'aba mukozi mu kakiiko bamumubuulire, n'awera nti ssinga afunayo omu ku b'akola nabo oyo waakukwatirwawo aggalirwe.

Olukung'aana luno lwategekeddwa ebibiina ebirwanyisa enguzi okuli ekya Action Aid, Anti-corruption Coalition Uganda, Transparency International n'ebirala era ababikulira ne basaba abantu okwenyigira mu kulwanyisa enguzi.

  • TAGS:

More From The Author

Emboozi z’omuwandiisi endala

Emboozi endala

Mmotoka ya minisita Atwoki eyakubiddwa amasasi.

Minisita asimattuse amasasi

Minisita omubeezi avunaanyizibwa ku byenfuna mu offiisi y'omumyuka wa Pulezidenti, Dr Baltazar Kasirivu-Atwooki,...

Kiddu (ku kkono) ne munne.

Bannabyamizannyo abattiddwa...

Nga December 30 omwaka oguwedde, abantu abatamanyiddwa baasindiridde Isaac 'Zebra' Senyange, eyaliko kapiteeni...

Sserunjogi ng’alaga ebintu by’atonaatona omuli essaati, ebikopo n’ebirala ebikozesebwa mu kunoonya obululu okusikiriza abalonzi.

Sserunjogi kkampeyini aziko...

AWAGWA ekku tewabula kalondererwa, ekiseera kya kkampeyini bangi bakikozesezza okuyiiya ssente era gubeera mugano...

Ssentebe Andrew Kasatiiro ng'agezaako okunnyonnyola abaatafunye butimba.

Ab'e Jinja Kalooli batabuki...

Abatuuze b'e Jinja Kalooli mu Wakiso beeweereza ebisongovu n'abakulembeze baabwe lwa butabawa butimba bwa nsiri....

Kasibante ku mpingu  ng'akwatiddwa.

Agambibwa okugezaako okufum...

OMUSUUBUZI   aloopye omuvubuka ku poliisi n'amulumiriza  okumuggyiraayo ekiso amufumite abaduukirize ne bamutaasa....