TOP
  • Home
  • News
  • Muto wa Museveni amezze muwala wa Kuteesa mu kkooti

Muto wa Museveni amezze muwala wa Kuteesa mu kkooti

Added 22nd December 2020

Sodo (ku kkono) ne Musherure

Sodo (ku kkono) ne Musherure

MUTO wa Pulezidenti Museveni, amanyiddwa nga Aine Godfrey Sodo awangudde omusango gwe Mawogola North ogw'okumumma kkaadi y'ekibiina kye ekya NRM.

Kkooti enkulu yasazeewo nti okusazaamu obuwanguzi bwa Sodo kyakolebwa mu bukyamu kubanga abaakakiiko akaateekebwawo okunoonyereza ku mivuyo egyali mu kamyufu ka Mawogola North e Sembabule, tebaagoberera mateeka.

Sodo okuwangula akamyufu ka Mawogola North yali avuganya ne Shartis Musherure Kuteesa, muwala wa minisita Kuteesa abadde omubaka wa Mawogola North. Omulala avuganya ye Salim Kisekka.

Mu kamyufu, Sodo yawangula n'obululu 17,347 bye bitundu 46 ku 100, Musherure n'afuna obululu 16,104 (ebitundu 42.7 ku 100) ate Kisekka n'akwata kyakusatu
n'obululu 4,274 (ebitundu 11.3 ku 100) era eyakulira akamyufu mu Sembabule William Katokozi n'alangirira Sodo nga omuwanguzi agenda okukwatira NRM kkaadi.

Akalulu kano kaali kakubeerawo nga September 4, 2020 kyokka kaakomekkereza kakubiddwa nga September 30, 2020 olw'akavuyo akaaliyo akaawaliriza ne ssentebe
wa NRM Pulezidenti Museveni okugendayo okutabaganya enjuyi zombi.

Oluvannyuma lwa Sodo okulangirirwa ku buwanguzi, Musherure yaddukira mu kakiiko k'ekibiina akaateekebwawo okuwulira okwemulugunya okuvudde mu kulonda (NRM Election Disputes Tribunal) ng'awakanya obuwanguzi bwa Sodo.

Musherure yasaba obuwanguzi bwa Sodo busazibwemu ng'amulumiriza okuleeta emivuyo mu kulonda n'okubba obululu.

Akakiiko akaaliko Isaac Kyagaba ne Ahmed Kalule Mukasa baawuliriza ensonga okuva eri enjuyi zombi kyokka ssentebe waako Enock Barata teyaliiwo.

Kyokka ate ataaliwo (Barata) n'asala omusango ng'agamba nti Sodo yakola emivuyo era ensonga n'aziweereza akakiiko ka NRM ak'oku ntikko akakulemberwa Hajji Moses Kigongo okusalawo eky'enkomeredde.

Kigongo yasalawo nti NRM tegenda kuwa Sodo ne Musherure kkaadi ya NRM wabula bombi babbinkane mu kalulu ka bonna nga tebalina kibiina kwe bajjidde.

OMULAMUZI KW'ASINZIDDE OKUSALA OMUSANGO
Omulamuzi Musa Ssekaana bwe yabadde asala omusango, yagambye nti kikyamu omuntu atawulidde bujuluzi (Barata) okusala musango kubanga by'aba asala
abeera talina kw'asinziira.

Yagambye byonna Barata bye yasala ng'agamba nti okulonda kwalimu emivuyo era n'asindika ensonga mu kakiiko ak'oku ntikko, kkooti ebisazizzaamu n'ekiragiro kya Hajji Kigongo ekya bombi okwesimbawo nga tebalina kibiina n'akisazaamu.

  • TAGS:

More From The Author

Emboozi z’omuwandiisi endala

Emboozi endala

Omu ku bakyala eyakulembedde banne abafumba emmere mu katale k'e Wandegeya ng'alaajanira pulezidenti Museveni okuyingira mu nsonga ezibasoomooza mu katale.

Abakyala balaajanye ku mivu...

"Twagala pulezidenti ayingire mu nsonga zaffe kubanga tetuganyuddwa mu nteekateeka zonna ze yateeka mu katale...

Fr. Kabagira ne Fr. Henry Mubiru nga bassa ekimuli ku ntaana ya Ssaabasumba Joseph Kiwanuka mu Eklezia e Lubaga bwe baabadde bamujjukira.  Yafa nga February 22, 1966.

Abakkiriza bajjukidde Ssaab...

Ssabasumba Kiwanuka yafuuka ssaabasumba okuva mu 1960 okutuuka bwe yafa mu 1966.

Amagye nga gazinzeeko enfo omubadde mutenderwa ababbi mu kibira kye Kapcheli.

Amagye galwanaganye n'ababb...

Mu kikwekweto ekyakoleddwa amagye ne poliisi, baazingizza ekibira ky'e Kapcheli abazigu bano mwe babadde beekweka...

Emmotoka ng'eno erina okuba n'ebiwandiiko ku ngeri gye yafunamu akabenje.

Buli mmotoka eyagwa ku kabe...

Minisitule y'eby’enguudo n'entambula esabiddwa okubaga amateeka mwe bagenda okuvunaanira buli muntu anasangibwa...

Omubaka Ocan ng'akwasa Kalidinaali ebirabo.

Kalidinaali asiimye Omubaka...

KALIDINAALI Emmanuel Wamala alabiseeko mu lujjudde oluvannyuma lw’ebbanga ng’abantu bamwebuuza. Kalidinaali okulabikako...