TOP
  • Home
  • News
  • Nnamwandu alumirizza ssezaala we okubba amabugo n'ebintu bya bba

Nnamwandu alumirizza ssezaala we okubba amabugo n'ebintu bya bba

Added 13th January 2021

Nnamwandu Namulindwa ng'ali ne bamulekwa.

Nnamwandu Namulindwa ng'ali ne bamulekwa.

NNAMWANDU akalidde mu ssezaala we n'amulumiriza okwezibika ssente z'amabugo n'ebintu byabwe ebirala nga bba yaakakutuka.

Nnamwandu Oliver Namulindwa y'alumirizza ssezaala we, Maurice Kizza okubuzaawo embizzi z'omugenzi ttaano, ssente z'amabugo 430,000/-, pikipiki n'ebintu ebirala amangu ddala nga mutabani we afudde.

 Newankubadde Kizza agamba nti yatunda embizzi n'agattako ssente ez'amabugo ne zikola ku by'okuziika omugenzi, bino abataka baabisambazze nga bagamba nti baasonda ssente ez'enjawulo okukola ku byokuziika.

 Nnamwandu yatambudde mukungujjo ne yeesogga ennyumba n'aleeta ekitabo ekiraga ssente ezaasondebwa zonna okukakasa nti ssezaala by'ayogera byabulimba.

 Bino byabadde ku kyalo Kirimampoca 'A' mu ggombolola  y'e Kitimbwa mu disitulikiti y'e Kayunga.

Kasozi yafa kikutuko ku nkomerero ya December, 2020 era nga yaleka bamulekwa abawera ng' asembayo obuto wa myezi munaana.

Namulindwa Ng'annyonnyola Abakulu Mu Lukiiko.

Ssezaala Kizza

 Nnamwandu yeekubidde enduulu ewa RDC Margaret Mwanamoiza eyatumye Collins Kafeero alondoola ebintu by'abafu n'atuuza enjuyi zombi era nga n'abataka ssaako abapoliisi okuli atwala ensonga z'amaka, Hellen Alikoba ne Ssali Paul owa poliisi n'omuntu wa bulijjo olukiiko baalwetabyemu.

 Ssezaala agamba nti nnamwandu ye yatandika eby'okugabana ebintu bwe yatwala ente naye kwe kusalawo ebigabe.

 Kafeero asazizzaamu byonna ebyakolebwa n'agamba nti byakolebwa mu bumenyi bw'amateeka era n'alagira ensonga zitwalibwe ewa atwala ebintu by'abafu mu Uganda (Administrator general).

Hellen Alikoba owa poliisi y'amaka alabudde ab'enganda abanyigiriza bannamwandu n'alagira ssezaala aleete ssente z'amabugo n'ezaava mu mbizzi.

Owa poliisi n'omuntu wa bulijjo Ssali Paul agambye nti nnamwandu y'alina obuyinza ku bintu by'omugenzi.





  • TAGS:

More From The Author

Emboozi z’omuwandiisi endala

Emboozi endala

Fr.Tamale

Fr. Tamale waakuziikibwa Bu...

Fr.  Joseph Tamale 39 afudde oluvannyuma lw'okutawaanyizibwa ekirwadde kya Puleesa n'ensigo. W'afiiridde, abadde...

Omutaka Gabunga, Mubiru  (wakati) ne Benon  Kibuuka (ku ddyo) ng'abasabira omwoyo gwa Ssaabasumba e Lubaga.

Bannaddiini musse ekitiibwa...

OMUTAKA Gabunga,Mubiru Zziikwa owookubiri, asoomoozezza Bannaddiini ku kussa ekitiibwa mu buwangwa n'Ennono. ...

Betty Maina (ku kkono) , minisita Oryem ne Amelia Kyambadde oluvannyuma lw'okussa omukono ku ndagaano.

Gavt. ya Uganda ne Kenya zi...

GAVUMENTI ya Uganda ne Kenya zitadde omukono ku ndagaano egendereddwaamu okumalawo emiziziko egibaddewo wakati...

Lukyamuzi ne Kasibante.

Lukyamuzi ne Kasibante bavu...

ABALWANIRIZI b'eddembe ly'obuntu bawakanyizza emisolo emipya gavumenti gy'ereeta mu mbalirira y'ebyensimbi ey'omwaka...

Abasiraamu nga basimba ekipande ku poloti eyassibwa ku ttaka ly'Omuzikiti  e Kiyunga mu Mukono era ekifo baakyeddiza.

Abasiraamu beddizza ettaka ...

ABASIRAAMU b'omu disitulikiti y'e Mukono abali wansi wa Mukono Muslim District Council batandise okweddiza ettaka...