TOP
  • Home
  • News
  • Omusajja yatutundako ekibanja n'abaana bange

Omusajja yatutundako ekibanja n'abaana bange

Added 19th January 2021

Babirye

Babirye

ABAKAZI abasuulawo abaana olw'okuba abasajja babakyaye kikyamu. Olina okutuula n'okuza ezzadde lyo okusinga okubalekera ensi.

Nze Babirye 40, mbeera Magoma mu Disitulikiti y'e Nakaseke. Mu 1994 nafuna omusajja ne twagalana era nga buli kimu kitambula bulungi.

Mu kwagalana kuno twazaaliramu abaana 10 naye ebyembi ababiri ne bafa ne tusigaza abaana munaana. Twali tukwatagana bulungi mu buli nsonga era n'andaga obuvunaanyizibwa nga sisuubirayo kunkyawa.

Yatandika mpola okukyuka nga bw'omugambako oluusi takuddamu ate nga lw'akuzezemu akuvuma naye ne nsalawo okugumira embeera.

Naye lwakya lumu n'agenda okukola era teyakomawo. Twasooka kutya nga tulowoozza yafunye obuzibu kuba twakubanga ku ssimu ye nga takwata.

Oluvannyuma twakizuula nti gyali mulamu ng'abamu baatuuka n'okungamba nti, yafunayo omukazi omulala. Nagezaako okumukubira essimu atuwe obuyambi nga takwata nga ne bwe nkyusa ennamba endala n'akwata n'awulira nga ye nze ng'agiggyako.

Okuddamu okumulabako yazze mwaka guwedde ng'azze kutunda kibanja kwe tulimira kati tetukyalina kintu kyonna.

Nsaba bwemba nnamusobya, teyanditwaliddemu baana kuba musaayi gwe. Mu kiseera kino nfungizza makazi okulaba nga nfunira abaana bange eky'okulya naye ssente ezibaweerera sirina kyokka nga njagala basome.

Nsaba abazirakisa okunnyamba nsobole okusomesa n'okulabirira abaana bange. Ndi ku ssimu 0789985247 .

  • TAGS:

More From The Author

Emboozi z’omuwandiisi endala

Emboozi endala

Emmotoka ya Kyagulanyi empya.

Aba URA beezinze ku mmotoka...

EBY'EMMOTOKA ya Kyagulanyi gy'agamba nti teyitamu masasi byongedde okulanda ab'ekitongole ky'emisolo ekya URA bwe...

Kyagulanyi (wakati), Ssaabawandiisi wa NUP Lubongoya ne Nambooze nga bakutte ebifaananyi by’abaakwatibwa.

▶️ Bazadde b'abaakwatibwa b...

BAZADDE b'abavubuka abaakwatibwa bakaabizza abantu nga batottola ennaku gye bayitamu okuva abaana baabwe lwe baakwatibwa....

Akulira bonna bagaggawale e Gomba , Brig. Fanekansi Mugyenyi (wakati) ng’akwasa abakyala b’e Gomba ente.

Abakyala b'e Gombe bafunye ...

GAVUMENTI ng'eyita mu kitongole kyayo ekya Operation Wealth Creation (Bonna Bagaggawale) egabidde abakyala b'e...

Abaserikale nga bateeka ku kabangali omulambo gw’omusajja eyasangiddwa mu kibira e Bunnamwaya.

Bazudde omulambo ogutaliiko...

ABATUUZE bakyasobeddwa ku mulambo gwe baazudde mu kibira nga teguliiko magulu. Omulambo guno gwasangiddwa mu kibira...

Ettaka eryogerwako baalissaako n’akapande akagaana abantu okuligula. Mu katono ye Msgr. Kasibante.

Omugagga aguze ettaka ly'Ek...

ABAKRISTU b'ekigo kya St. Charles Lwanga e Gaba bali mu kusoberwa olw'engeri ettaka ly'ekigo eriwezaako yiika bbiri...