TOP
  • Home
  • News
  • Engeri omukazi gye yatega Ntagali akamasu

Engeri omukazi gye yatega Ntagali akamasu

Added 21st January 2021

Ntagali ne mukazi we maama Beatrice.

Ntagali ne mukazi we maama Beatrice.

OMUKAZI ayasudde mu bizibu Dr. Stanley Ntagali yasooka kugonza maama muka Ssaabalabirizi Ntagali gwe yabuulira ebizibu by'ayitamu.

Omukazi Judith Tukamuhabwa yasooka kukola mukwano ku muka Ntagali gwe yabuulira ebizibu by'ayitamu kyokka ng'abakulira ekkanisa bagaanyi okumuyamba.

Maama Ntagaliyasaba bba ayambe omukazi ono era gye byaggweera nga Ntagali
akemeddwa.

Mu bizibu bye yayitira mu muka Ntagali kuliko okusika omuguwa mu bufumbo bwabwe ne bba, Rev. Christopher Tugumehabwe obwali buvuddeko n'okubagoba mu nju ku Bishop Barham University College, Kabale. Eno Rev. Tugumehabwe gye yali asomesa ebyeddiini. Abakulu ba yunivasite ne bannaddiini baali tebamuyambye.

Judith Ne Rev. Tugumehabwe Lwe Baagattibwa Mu Bufumbo Obutukuvu.

Omukazi ono alumiriza Ntagali okumuganza ekyavuddeko Ssaabalabirizi, Stephen Kazimba okuyimiriza Ntagali obutakola mulimu gwonna mu kkanisa.

Omukazi ono yayita atya ku baawule, Omulabirizi w'e Kabale n'ebitongole by'ekkanisa nga Mother's Union n'atuuka ku Ssaabalabirizi?

Bukedde yategeezeddwa nti Judith azaalibwa mu kitundu kye kimu ne Beatrice Ntagali (mukyala wa Ntagali). Bombi bazaalibwa mu ggombolola y'e Bufundi mu disitulikiti y'e Rubanda eyasalibwa ku Kabale.

Abava mu kitundu ekyo basinga kuyitibwa "Omukongwe" era olumu beeyita "Abanyangyezi" kubanga baasomoka ennyanja Bunyonyi. Mu kitundu ekyo ate
ne Ntagali gy'asibuka era enkwatagana wakati wa Judith ne Beatrice yanywera mangu olwo Judith n'ayanguyirwa okutuuka ku Ntagali olw'akakwate ako.

Eri abamanyi Judith tekyabeewuunyisa okutuuka ku Ntagali kubanga okuva ng'akyali
muvubuka mu ssomero (yasomera Kigata High School, Kabale) yalina ekitone ky'okuwaguza n'atuuka ku banene.

Abadde alabibwa ku bubaga bw'abanene ng'omugenyi omuyite oba ng'apepeya n'abasajja ab'ebbeeyi okuli ebikonge bya Gavumenti.

"Maama Beatrice ye yasooka okwanjula Judith ewa Ssaabalabirizi, ng'amwogerako nga muwala we, olw'akakwate ke balina nga tamanyi nti omukazi agenda kuleeta ebizibu mu maka." Omu ku mikwano gya ffamire ya Ntagali bwe yategeezezza Bukedde.

Kigambibwa nti buli kizibu Judith kye yafunanga mu maka, ng'anoonya Maama
Beatrice okumuyitiramu era ng'awunzika amusaba amuyambe okutuuka ku Ntagali amusabireko.

Kigambibwa nti olumu Judith yagenda ewa Ntagali nga n'amaziga gamuyitamu ng'agamba nti bba Rev. Tugumehabwe yali amukubye nnyo era ng'ayagala
Ntagali mu kiti kye nga Ssaabalabirizi, ayogereko n'Omwawule ku by'okutulugunya
Judith entakera.

"Yasanga Ssaabalabirizi alina abagenyi bangi omwali ne bannaddiini, wabula Maama Beatrice yayisaawo mangu Judith okumutuusa ewa Ssaabalabirizi," Mukwano
gwa ffamire ya Ntagali bwe yannyonnyodde.

Enkwatagana eyo nti yatandika mu 2018 nga Ntagali akyali Ssaabalabirizi era emirundi egimu nti Judith yajjanga Kampala okumusisinkana amuyitiremu ebizibu bye.

Mu nsisinkano ezo, kigambibwa nti sitaani mwe yayitira okukkakkana ng'omukazi atengudde Ntagali.





  • TAGS:

More From The Author

Emboozi z’omuwandiisi endala

Emboozi endala

Ssekabembe ng’alaga ezimu ku keeki eziwedde okuyooyootebwa.

Ssekabembe eyatandika ne 25...

SINKANA Brenda Sekabembe alina emyaka 42 nga ye mutandisi wa kkampuni ekola keeki eya Bake for Me esangibwa mu...

Poliisi ng’ewalabanya omu ku baaziikudde omulambo gwa Ssali.

▶️ Poliisi egugumbudde abaa...

AMASASI ganyoose mu kuziika nga poliisi egumbulula ebbiina ly'abavubuka abeeridde omuguju ne baziikula omulambo...

Abamu ku basuubuzi abaalumbye ofi isi ya Kushaba.

▶️ Omukazi eyawambye akatal...

MINISITA wa Kampala alagidde omukyala Suzan Kushaba okwamuka mu bwangu ofi isi za KCCA ze yawambye ne yeerangirira...

Abakungu okuva mu kitongole ky’ebyobulamu oluvannyuma lw’eddagala erigema COVID 19 okutuuka mu ggwanga. Baabadde ku kisaawe e Ntebe.

▶️ Okugema Corona kutandika...

BANNAYUGANDA babagumizza ku ddagala erigema corona eryatuuse mu ggwanga nga bwe litalina buzibu eri obulamu bw'abantu....

Omugenzi Kalulu n’omu ku bakazi be.

Owa capati asse gw'asanze a...

OMUSAJJA ow'abakazi ababiri bamufumise ekiso n'afa oluvannyuma lw'okukwatibwa lubona ne muk'omusajja gw'agambibwa...