TOP
  • Home
  • News
  • Okulayiza Pulezidenti wa Amerika

Okulayiza Pulezidenti wa Amerika

Added 21st January 2021

Biden ng’alayira ate mukyala we Jil y’akutte Babiyibuli ewezezza emyaka 127.

Biden ng’alayira ate mukyala we Jil y’akutte Babiyibuli ewezezza emyaka 127.

PULEZIDENTI Joe Biden alayidde n'aggyawo amateeka mangi abadde Pulezidenti, Donald Trump ge yateekawo mu myaka ena emabega.

Mu gano mulimu okuddiriza ku nnatti z'obutuuze bwa Amerika n'okuzzaawo amateeka agabadde gongera okwonoona obutonde bw'ensi.

Bino yabikoze eggulo olwamaze okulayira n'ayingira amaka ga White House ne mukyala we Dr. Jill Biden ku mukolo ogwabadde ogw'essanyu n'ebyafaayo.

Omumyuka we, Kamala Harris ne bba Douglas Craig Emhoff ssaako Barack Obama ne mukyala we Michelle Obama nabo baabaddewo. Abaaliko Bapulezidenti ba Amerika baabaddewo ng'oggyeeko Jimmy Carter eyabadde omugonvu ne Trump eyagenze mu byafaayo nga Pulezidenti owookuna eyeepenye okwetaba ku mukolo gw'okulayiza amudidde mu bigere.

Trump Ng'asiibula.

Mu kwogera, Biden yagambye nti, leero lukulu anti demokulasi wa Amerika azzeewo.'
Yeebazizza abalonzi n'abasuubiza okulwanyisa corona azzeewo ebyenfuna eby'amaanyi abantu bafune akasente akamala nga bwe gwabeeranga mu Amerika.

Yalayidde obutakola bya Trump ng'agezaako okweremeza mu buyinza n'asuubiza okuzzaawo ekitiibwa kya Amerika ekiri mu matigga.

EMIKOLO BWE GYATAMBUDDE:
Emikolo gyatandise ku ssaawa bbiri n'eddakiika 45 ku makya n'akalombolombo ka Pulezidenti n'omumyuka we okusabira mu Lutikko ya St. Matthew the Apostle mu Washington.
Ku ssaawa 4:30, Biden n'omumyuka we, Kamala Harris baatuuse ku Palamenti, (Capitol Hill) okulayira ne kutandika ssaawa 5:15 ne kuggwa ku ssaawa 6:00 Biden n'ayogera eri eggwanga ng'alaga by'atandikirako.

BAGENDA KU MALAALO
Biden yaganzise ekimuli ku malaalo g'abajaasi ba Amerika abaafiira mu ntalo olwo n'agenda mu maka g'Obwapulezidenti aga White House mu ofiisi emanyiddwanga Oval Office n'atandikirawo okussa emikono ku biwandiiko ebiggyawo agamu ku mateeka aganyiga bannansi Trump ge yassaawo nga tabeebuuzizzaako.

Omwo mwabaddemu okuddiriza nnatti ku by'obutuuze n'okutumbula eby'obutonde bw'ensi. Biden yayisizza n'etteeka lya buli Mumerika n'abagenyi okwambala masiki buli lwe babeera mu bantu okutangira corona Trump gw'abadde atwala ng'owolusaago.

Ebyokwerinda Byabadde Binywevu.

ABAYIMBI BACAMUDDE ABANTU
Abayimbi Lady Gaga ne Jennifer Lopez baacamudde omukolo n'abaabadde ku ttivvi ne bazinira awaka. Biden yalangiridde obuwumbi 1900 eza ddoola okulwanyisa corona.
Amagye baayiye 25,000 era lw'abagenyi abatono abaabadde ku mukolo olw'ebyokwerinda n'okwewala COVID-19, kumpi buli mugenyi yabadde n'abakuumi nga bataano.

Mmeeya w'ekibuga Washington, Muriel Bowser yassaawo omuggalo okuva abawagizi ba Trump lwe beekalakaasiza ku Palamenti era ekibuga kyabaddemu abantu batono.

Ekibuga kyayakaayakanye olw'amataala agaatimbiddwa ne bendera. Ekizimbe kimu kyokka ekya National Mall kyatimbiddwa bendera 191,500 n'empagi zaakyo 56 nga zaaka mataala agakyusa langi na ddala eza DP eyawangula kalulu.

Ebizimbe bya Gavumenti mu masaza gonna 50 byatimbiddwa mu ngeri y'emu n'ebide nga bivugirako okufuula omukolo ogw'ekijukizo n'okukakasa Abamerika abangi abaataagubaddeko nti bafunye Pulezidenti mupya.

  • TAGS:

More From The Author

Emboozi z’omuwandiisi endala

Emboozi endala

Ssekabembe ng’alaga ezimu ku keeki eziwedde okuyooyootebwa.

Ssekabembe eyatandika ne 25...

SINKANA Brenda Sekabembe alina emyaka 42 nga ye mutandisi wa kkampuni ekola keeki eya Bake for Me esangibwa mu...

Poliisi ng’ewalabanya omu ku baaziikudde omulambo gwa Ssali.

▶️ Poliisi egugumbudde abaa...

AMASASI ganyoose mu kuziika nga poliisi egumbulula ebbiina ly'abavubuka abeeridde omuguju ne baziikula omulambo...

Abamu ku basuubuzi abaalumbye ofi isi ya Kushaba.

▶️ Omukazi eyawambye akatal...

MINISITA wa Kampala alagidde omukyala Suzan Kushaba okwamuka mu bwangu ofi isi za KCCA ze yawambye ne yeerangirira...

Abakungu okuva mu kitongole ky’ebyobulamu oluvannyuma lw’eddagala erigema COVID 19 okutuuka mu ggwanga. Baabadde ku kisaawe e Ntebe.

▶️ Okugema Corona kutandika...

BANNAYUGANDA babagumizza ku ddagala erigema corona eryatuuse mu ggwanga nga bwe litalina buzibu eri obulamu bw'abantu....

Omugenzi Kalulu n’omu ku bakazi be.

Owa capati asse gw'asanze a...

OMUSAJJA ow'abakazi ababiri bamufumise ekiso n'afa oluvannyuma lw'okukwatibwa lubona ne muk'omusajja gw'agambibwa...