TOP
  • Home
  • News
  • Paapa akungubagidde Omusumba Kaggwa

Paapa akungubagidde Omusumba Kaggwa

Added 23rd January 2021

Ssaabasumba Kizito Lwanga (ku ddyo) Omusumba Kakooza ne Ssekamanya ( ku kkono) nga baganzika ekimuli ku kifaananyi  ky'omugenzi mu Lutikko e Lubaga.

Ssaabasumba Kizito Lwanga (ku ddyo) Omusumba Kakooza ne Ssekamanya ( ku kkono) nga baganzika ekimuli ku kifaananyi ky'omugenzi mu Lutikko e Lubaga.

PAAPA Francis akungubagidde Bishop John Baptist Kaggwa n'amwogerako nga munnaddiini abadde tasangika. Paapa yagambye nti Kaggwa akoze omulimu munene okubunyisa eddiini n'okufaayo ku nsonga ezikwata ku bakkiriza.

Obubaka buno Paapa yabuyisizza mu mubaka we mu Uganda, Luigi Bianco mu kukungubagira omugenzi okwabadde ku Lutikko e Lubaga ku Lwokutaano.

Ssaabasumba w'essaza ekkulu erya Kampala Cypriano Kizito Lwanga eyakulembeddemu Mmisa yagambye nti omusumba yafudde corona eyamukwata mu biseera bya Ssekukkulu era abadde amuwuliza ku ssimu n'okumuweereza obuyambi bw'obujjanjabi e Mulago. Yamwogeddeko ng'abadde ayagala ennyo obumu, okwagalana, obwetoowaze era asonyiwa.

Yawadde ekyokulabirako ky'abaserikale abaamukuba ttiyagaasi e Mityana ku mikolo gy'abeekika ky'e Mbogo n'agamba nti bweyayogerako naye yamukakasa nti yamusonyiye ate nga yali akitegeeza.

Aba Funeral Service Nga Basitudde Ekifaananyi Ky'omusumba Kaggwa.

Lwanga yeebazizza abasawo abafubye okujjanjaba Kaggwa n'abo abaamuweerezza essaala yadde byonna gye biggweeredde ng'afudde.

Mu Mmisa, omulambo gwa Kaggwa tegwaleeteddwa olw'amateeka ga Corona agatakkiriza kusemberera mulambo oba omulwadde era mu Klezia baaleeseeyo kifaananyi kye. Kyassiddwa mu kifo ekirabika obulungi mu Klezia olwo ne kyebulungululwa n'ebimuli n'emisubbaawa obwedda ebyaka nga mmisa esomwa.

Abeetabye mu mmisa eno kwabaddeko Omusumba w'essaza ly'e Lugazi eyawummula
Mathias Ssekamaanya, ow'e Lugazi, Christopher Kakooza ne bannaddiini abalala. Essaza ly'e Masaka, Kaggwa gy'abadde asumba lyakiiririddwa Cansala Edward Sekabanja.

Gavumenti yakiikiriddwa minisita w'eby'enjigiriza ebyawaggulu, JC Muyingo ate Mengo n'ekiikirirwa omumyuka wa Katikkiro asooka Wagwa Nsibirwa.

Bp. Kaggwa okugenda e Mulago okumukebera Corona ye yavuga emmotoka, oluvannyuma lw'okubeera n'abantu abaazuulibwamu obulwadde buno.

Dr. Gerlad Makumbi, muganda w'omusumba Kaggwa yagambye nti ye yasikira kitaawe era baakutuula nga ffamiire nga bakolaganira wamu n'Eklezia okulaba nga batambuze emikolo gy'okukwasa omuntu omulala ekifundikwa.

  • TAGS:

More From The Author

Emboozi z’omuwandiisi endala

Emboozi endala

Lagu (ku ddyO), Spice Diana ne Rema Namakula.

Omusawo awabudde ku bagenda...

ABASAWO bawabudde ku baagala okutonera omuyimbi Evelyn Lagu ensigo basooke babakebere. Ku mukolo gw’okwoza emmotoka...

Rev Kisakye

Okusiiba si kwa nnaku 40 zokka

ABAKKIRIZA abeenyigira mu kusiiba okw’ennaku 40 babuuliriddwa okwongera okubeera n’okukkiriza mu Katonda nti yekka...

Fr. Kabanda.

Ekkubo ly'omusaalaba libeer...

NG’OGGYEEKO Olwokutaano Olutukuvu olutambuzibwako ekkubo ly’omusaalaba, mu kisiibo tulagirwa okutambuza ekkubo...

Maj. Katamba.

Abaazirwanako 200 bagenze S...

EKIBINJA ky’amagye ekisooka e Kakiri kisunsudde abaazi rwanako 200 nga baakutwalibwa e Somalia okwongera okukuuma...

Abamu ku batuuze abaabadde mu kkooti.

Kkooti etandise okuwulira o...

OMULAMUZI Yasin Nyanzi atandise ku nteekateeka y’okuwulira omusango gw’abatuuze b’e Nakawa abaasengulwa ku luguudo...