TOP
  • Home
  • News
  • Buubuno obukwakkulizo gavumenti bw'eyagala okussa ku Bobi

Buubuno obukwakkulizo gavumenti bw'eyagala okussa ku Bobi

Added 23rd January 2021

Munnamateeka wa Kyagulanyi, Sseggona (wakati) ng’awayaamu n’omuwandiisi wa NUP, , Lubongoya  (ku ddyo) ku kkooti .

Munnamateeka wa Kyagulanyi, Sseggona (wakati) ng’awayaamu n’omuwandiisi wa NUP, , Lubongoya (ku ddyo) ku kkooti .

GAVUMENTI eyagala Robert Kyagulanyi Ssentamu (Bobi Wine) alangirire nti tagenda kwetaba mu bikolwa bya kwekalakaasa bw'aba ng'ayagala poliisi n'amagye bive mu maka ge e Magere, asobole okwetaaya.

Okuva nga January 14, 2021 lwe yakuba akalulu k'Obwapulezidenti, Kyagulanyi akuumibwa mu maka ge olw'okutya nti yali ategese okwekalakaasa singa tebamulangirira ku buwanguzi.

Gavumenti ng'eyita mu looya waayo Martin Mwambusya yagambye nti okuggyako nga kkooti etadde obukwakkulizo obw'amaanyi ku Bobi omuli okulangirira nti tagenda kwekalakaasa tebawagira kya kkooti kulagira baserikale kuva mu maka ge.

Akakwakkulizo akalala gavumenti ke yasabye kkooti, kwe kulagira Kyagulanyi okugondera amateeka ga Covid19 agaateekebwawo minisitule y'ebyobulamu nga tabeera mu bifo ebirimu abantu abangi.

Mwambusya yagambye nti baafuna obuzibu ne Bobi nga akyali mu kampeyini era yaleese obujulizi bw'akulira ebikwekweto mu poliisi, Edward Ochom n'akulira ebyamateeka mu magye Godan Busingye nga bwonna bulaga nga bwe baagwa mu lukwe lw'abavubuka ba NUP abaali batendekebwa okutandika okwekalakaasa singa akakiiko k'ebyokulonda kabeera tekamulangiridde ku buwanguzi bw'entebe y'obwapulezidenti.

Ochom mu bujulizi bwe bw'asinziirako okusaba kkooti ekkirize abaserikale bagira bakyakuumira Bobi mu maka ge agamba nti kino bakikola okumulemesa okuzza emisango kubanga abadde yeenyigira mu bumenyi bw'amateeka ga Covid 19 era olumu yakuba enkungaana mu bifo gy'atalina kubeera.

Nti poliisi bwe yagezangako okumulemesa n'atandikawo embeera y'okwekalakaasa ekyaviirako abantu okufa.

Gavumenti era yagambye nti mukyala wa Bobi, n'abomu nnyumba abalala baddembe
okufuluma batambule nga bwe baagala naye Bobi ye takkirizibwa kufuluma.

Mwambusya yakomekkereza agamba Omulamuzi Micheal Elubu nti okusinziira ku mbeera Bobi gy'azze yeeyisaamu, asaana agira ng'akyakuumibwa mu maka
ge okutuusa ng'embeera eteredde.

  • TAGS:

More From The Author

Emboozi z’omuwandiisi endala

Emboozi endala

Ssekabembe ng’alaga ezimu ku keeki eziwedde okuyooyootebwa.

Ssekabembe eyatandika ne 25...

SINKANA Brenda Sekabembe alina emyaka 42 nga ye mutandisi wa kkampuni ekola keeki eya Bake for Me esangibwa mu...

Poliisi ng’ewalabanya omu ku baaziikudde omulambo gwa Ssali.

▶️ Poliisi egugumbudde abaa...

AMASASI ganyoose mu kuziika nga poliisi egumbulula ebbiina ly'abavubuka abeeridde omuguju ne baziikula omulambo...

Abamu ku basuubuzi abaalumbye ofi isi ya Kushaba.

▶️ Omukazi eyawambye akatal...

MINISITA wa Kampala alagidde omukyala Suzan Kushaba okwamuka mu bwangu ofi isi za KCCA ze yawambye ne yeerangirira...

Abakungu okuva mu kitongole ky’ebyobulamu oluvannyuma lw’eddagala erigema COVID 19 okutuuka mu ggwanga. Baabadde ku kisaawe e Ntebe.

▶️ Okugema Corona kutandika...

BANNAYUGANDA babagumizza ku ddagala erigema corona eryatuuse mu ggwanga nga bwe litalina buzibu eri obulamu bw'abantu....

Omugenzi Kalulu n’omu ku bakazi be.

Owa capati asse gw'asanze a...

OMUSAJJA ow'abakazi ababiri bamufumise ekiso n'afa oluvannyuma lw'okukwatibwa lubona ne muk'omusajja gw'agambibwa...