TOP
  • Home
  • News
  • Owa NRM awangudde obwameeya bwa Jinja Southern Division

Owa NRM awangudde obwameeya bwa Jinja Southern Division

Added 26th January 2021

Abakyala nga basanyukira Ashraf Nasser owa NRM awangudde ekya meeya wa jinja Southern division.

Abakyala nga basanyukira Ashraf Nasser owa NRM awangudde ekya meeya wa jinja Southern division.

ASHRAF Nasser ow'ekibiina kya National Resistance Movement (NRM) awangudde ekifo kya Meeya wa Jinja Southern Division.

 Nasser awangulidde ku bululu 6910 n'addirirwa Badman Kibugudhu owa NUP mu kyokubiri n'obululu 4973 ate Kirunda Mubarak eyeesimbawo ku lulwe n'akwata eky'okusatu n'obululu 3749.

        Ashraf Nasser Owa Nrm Eyawangudde Obwameeya.

 Abalala abaavuganyizza ku kifo kino kuliko; William Ebusa owa Forum for Democratic Change (FDC) eyafunye 3319, Simon Kasirye owa Alliance for National Transformation (ANT) eyafunye 1525, Rashid Lubega ne 258, Andrew Ikona n'afuna 177 ate Samuel Muvaliwo n'afuna 65.

Oluvannyuma lw' akulira akakiiko ky'ebyokulonda mu kibuga Jinja, Jennifer Kyobutungi okulangirira Ashraf Nasser ku buwanguzi, abawagizi ba Nasser babuukidde waggulu nga jjanzi ne bajaganya naye ku kifo we babalide obululu ku ssomero lya Jinja SSS.

Okubala obululu kutute olunaku lumu n'ekitundu era olumaze okulangirirwa Nasser n'awera mu maaso ga bannamawulire nti agenda kukunga abakulembeze abalala bakulaakulanye Jinja South Division.

Yasabye abayiseemu ku bwakansala ku lukiiko lwa Jinja Southern Division okukolagana naye bakulaakulanye ekitundu kyabwe.

Nasser yayongeddeko nti agenda kufuba okuyonja ekibuga Jinja ng'akwatagana n'ababeeramu okuyoola kasasiro ku nguudo zinyirire nga ekigendelerwa kya kulaba nga basikiriza bayinvesita. 

Asiimye Bannajinja abamutaddemu obwesige ne bamulonda mu kifo kino.


  • TAGS:

More From The Author

Emboozi z’omuwandiisi endala

Emboozi endala

Lagu (ku ddyO), Spice Diana ne Rema Namakula.

Omusawo awabudde ku bagenda...

ABASAWO bawabudde ku baagala okutonera omuyimbi Evelyn Lagu ensigo basooke babakebere. Ku mukolo gw’okwoza emmotoka...

Rev Kisakye

Okusiiba si kwa nnaku 40 zokka

ABAKKIRIZA abeenyigira mu kusiiba okw’ennaku 40 babuuliriddwa okwongera okubeera n’okukkiriza mu Katonda nti yekka...

Fr. Kabanda.

Ekkubo ly'omusaalaba libeer...

NG’OGGYEEKO Olwokutaano Olutukuvu olutambuzibwako ekkubo ly’omusaalaba, mu kisiibo tulagirwa okutambuza ekkubo...

Maj. Katamba.

Abaazirwanako 200 bagenze S...

EKIBINJA ky’amagye ekisooka e Kakiri kisunsudde abaazi rwanako 200 nga baakutwalibwa e Somalia okwongera okukuuma...

Abamu ku batuuze abaabadde mu kkooti.

Kkooti etandise okuwulira o...

OMULAMUZI Yasin Nyanzi atandise ku nteekateeka y’okuwulira omusango gw’abatuuze b’e Nakawa abaasengulwa ku luguudo...