TOP
  • Home
  • News
  • Amagye ga Gavumenti ya Ethiopia gasse 750 mu Klezia

Amagye ga Gavumenti ya Ethiopia gasse 750 mu Klezia

Added 27th January 2021

Bannaddiini mu kuziika omugenzi Kibuuka Musoke.

Bannaddiini mu kuziika omugenzi Kibuuka Musoke.

ADDIS ABABA, Ethiopia

ABANTU 750 ababadde beekwese mu Klezia bazingiddwaako amagye ne battibwa kirindi. Abamu baasangiddwa wabweru ne babakaka okudda munda mwe baabasasiridde amasasi. Ku bantu ababalirirwa mu 1,000 basseeko 750 omulundi gumu.

Bino byabadde mu Klezia y'Abasodokisi eya Oriental Orthodox Church mu bitundu by'abayeekera ba Tigray abalwanagana ne Gavumenti ya Ethiopia, okusinziira ku katabo k'amawulire ga Catholic World Report.

Amawulire galaga nti, amagye ga Ethiopia n'abalwanyi abapangise, baalumba Klezia ya Church of Our Lady Mary of Zion mu kibuga Axum gye baasanga abakkiriza abaludde nga bagyewogomyemu olutalo ne babazingiza.

Abamu baagezezzaako okudduka ne babakaka okudda munda n'abaasangiddwa wabweru ne babazza munda ne babasasira amasasi agasse abasinga obungi abalala ne basigala ku bisago.

Baalagidde abatafudde bafulume ne bakikola wabula olwatuuse wabweru nabo baabakubye amasasi nga balaba.

Abaawonyewo baasigazza bisago gattako abatonotono abaagudde okulowoozesa abatemu nti bafudde. Waliwo n'abeemuludde ne babasindirira amasasi agaabasse kyokka mu abo waliwo abaabuliddeyo nga tebakoseddwa.

Axum mu mambuka ga Ethiopia, kya byafaayo ekyogerwako bwe kirimu amayinja abiri okwawandiikibwa amateeka ekkumi (Ark of the Covenant). Mu Klezia ya Our Lady Mary of Zion, abagoberezi bangi balowooza nti amayinja agalimu geego gennyini
era gakuumwa butiribiri.

Mu birala ebisuubirwa okubaayo gwe muggo gwa Aaron ogw'ebyafaayo ebyagala okwefaananyiriza eby'omuggo gwa muganda we Musa.

Amawulire ga Church Times UK ag'e Bungereza, abakkiriza abamu okugenda ku Klezia eno baayagala kugikuuma olw'ebyafaayo byayo bagiwonye olutalo lw'abayeekera abalwana ne Gavumenti ya Ethiopia.

Buli ludda luludde nga lwagala okwezza ekifo ekyo olw'ebyobulambuzi ebikirimu nga bivaamu ssente olw'abalamazi abangi.

Abayeekera bagamba nti ekyawalirizza Gavumenti ya Ethiopia okulumba Klezia eno kwagala kwezza kitundu ekyo oba okuggyayo amayinja gatwalibwe mu kibuga ekikulu Addis Ababa.

Tekinnamanyika oba obulumbaganyi obwabaddewo ku Lwokubiri lwa wiiki ewedde, ebyafaayo ebyo byatwaliddwa.

Gye buvuddeko, ekibiina ky'amawanga amagatte ekya United Nations (UN) kyalabula
okuggula emisango gy'ekittabantu ku bakulembeze ba Ethiopia be balumiriza okutirimbula abantu mu nfo za bakyewaggula ba Tigray ne battiramu n'abantu ba bulijjo.

Katikkiro wa Ethiopia, Abiy Ahmed okuva mu November w'omwaka oguwedde abadde
alwanagana ne bakyewaggula abaagala okwesala ku Ethiopia.

Omukulembeze wa bakyewaggula, Debretsion Gebremichael agamba nti bajja kufa olw'amaanyi ga Ethiopia g'ebakubisa abalisigalawo balifuna obwetwaze bw'ekitundu kyabwe bwe kiribeera kisobose.

  • TAGS:

More From The Author

Emboozi z’omuwandiisi endala

Emboozi endala

Ssekabembe ng’alaga ezimu ku keeki eziwedde okuyooyootebwa.

Ssekabembe eyatandika ne 25...

SINKANA Brenda Sekabembe alina emyaka 42 nga ye mutandisi wa kkampuni ekola keeki eya Bake for Me esangibwa mu...

Poliisi ng’ewalabanya omu ku baaziikudde omulambo gwa Ssali.

▶️ Poliisi egugumbudde abaa...

AMASASI ganyoose mu kuziika nga poliisi egumbulula ebbiina ly'abavubuka abeeridde omuguju ne baziikula omulambo...

Abamu ku basuubuzi abaalumbye ofi isi ya Kushaba.

▶️ Omukazi eyawambye akatal...

MINISITA wa Kampala alagidde omukyala Suzan Kushaba okwamuka mu bwangu ofi isi za KCCA ze yawambye ne yeerangirira...

Abakungu okuva mu kitongole ky’ebyobulamu oluvannyuma lw’eddagala erigema COVID 19 okutuuka mu ggwanga. Baabadde ku kisaawe e Ntebe.

▶️ Okugema Corona kutandika...

BANNAYUGANDA babagumizza ku ddagala erigema corona eryatuuse mu ggwanga nga bwe litalina buzibu eri obulamu bw'abantu....

Omugenzi Kalulu n’omu ku bakazi be.

Owa capati asse gw'asanze a...

OMUSAJJA ow'abakazi ababiri bamufumise ekiso n'afa oluvannyuma lw'okukwatibwa lubona ne muk'omusajja gw'agambibwa...