TOP
  • Home
  • News
  • Kola ebyokulya mu nnyama ense oyongere ku nfunayo

Kola ebyokulya mu nnyama ense oyongere ku nfunayo

Added 25th February 2021

Allan Bukenya ng’alaga ennyama ense.

Allan Bukenya ng’alaga ennyama ense.

OSOBOLA okukola ebyokulya eby'enjawulo mu nnyama ense eri ku mutindo n'ogaziya bizinensi y'okuliisa abantu.

Ennyama eno tebeeramu magumba, gasunsulwamu nga baakagisala oluvannyuma n'eteekebwa mu kyuma ekigisa, ebibadde ebifi ebinene ne bifuuka ennyama ensekule. Bw'ogifumba eggya mangu nga bw'ogirya egonda era ewooma.

BY'OSOBOLA OKUKOLA MU NNYAMA ENSE
Osobola okukolamu ssumbuusa, kebaabu, bbaga, caapu, sosegi, n'eby'okulya ebirala. Ebyokulya bino, ekisembayo bbeeyi eya wansi ye ssumbuusa nayo ng'osobola okutunda 1,000/- ebirala ebikolebwa mu nnyama eno nga kebaabu ne caapu bya 3,500/- ne 5,000/- okusinziira ku kifo w'oguze, kyokka nga muteekebwamu ennyama ntono ddala.

Mu kkiro emu osobola okukola kebaabu 15 n'okusukkawo okusinziira ku nnyama gy'oteekamu kubanga otabulamu ebirungo ebirala ng'amagi, ehhano n'ebirala. Bwoba osobola okutunda kebaabu nga 100 olunaku ku 3,500/- kitegeeza okola 350,000/-.

Olw'okuba ebyokulya ebikoleddwa mu nnyama eno bibeera ku buseere ate gwe bwe weegulira paketi y'ennyama eno naawe osobola okukekkereza n'okubyekolera n'obirya.

Ate bw'oba osazeewo kugikozesa mu bizinensi osobola okukola ebyokulya bingi kyokka ng'obitunda ku bbeeyi ya waggulu. Era ennyama eno olw'okuba egonda nnungi okugabirira abaana n'abakadde .

EBBEEYI Y'ENNYAMA ENSE
Ennyama eno bagisala nga ya mutindo gwa waggulu ng'erimu emitendera egy'enjawulo. Mulimu eyitibwa Special minced meat nga bagikola mu nnyama y'ente etaliimu masavu. Eno y'esinga okuyaayaanirwa ku katale kubanga bw'ogifumba tereeta masavu. Kkiro ya 12,000/- .

Ekika ekirala ekikolebwa kiyittibwa Ordinary minced meat ng'eno ebeeramu amasavu amatonotono, kkiro ya 10,000/- ku bbeeyi y'omusuubuzi ng'ogiguze ku lufula. Wabula bw'ogisanga etundibwa mu maduuka amanene kkiro ya 15,000/- ne 18,000/-.

OKUGIKUUMA
Ennyama eno olw'okuba ebeera wamu tosobola kugikalirira nga weetaaga okugikuuma obulungi ereme okwonooneka. Engeri ekyasinga okubeera ennungi okukuuma ennyama ense kwe kugitereka mu firiigi n'esigala ng'ennyogoga ekiseera kyonna.

Bisakiddwa SARAH ZAWEDDE okuva ku Allan Bukenya mu Lufula ya Industrial area.

  • TAGS:

More From The Author

Emboozi z’omuwandiisi endala

Emboozi endala

Fr.Tamale

Fr. Tamale waakuziikibwa Bu...

Fr.  Joseph Tamale 39 afudde oluvannyuma lw'okutawaanyizibwa ekirwadde kya Puleesa n'ensigo. W'afiiridde, abadde...

Omutaka Gabunga, Mubiru  (wakati) ne Benon  Kibuuka (ku ddyo) ng'abasabira omwoyo gwa Ssaabasumba e Lubaga.

Bannaddiini musse ekitiibwa...

OMUTAKA Gabunga,Mubiru Zziikwa owookubiri, asoomoozezza Bannaddiini ku kussa ekitiibwa mu buwangwa n'Ennono. ...

Betty Maina (ku kkono) , minisita Oryem ne Amelia Kyambadde oluvannyuma lw'okussa omukono ku ndagaano.

Gavt. ya Uganda ne Kenya zi...

GAVUMENTI ya Uganda ne Kenya zitadde omukono ku ndagaano egendereddwaamu okumalawo emiziziko egibaddewo wakati...

Lukyamuzi ne Kasibante.

Lukyamuzi ne Kasibante bavu...

ABALWANIRIZI b'eddembe ly'obuntu bawakanyizza emisolo emipya gavumenti gy'ereeta mu mbalirira y'ebyensimbi ey'omwaka...

Abasiraamu nga basimba ekipande ku poloti eyassibwa ku ttaka ly'Omuzikiti  e Kiyunga mu Mukono era ekifo baakyeddiza.

Abasiraamu beddizza ettaka ...

ABASIRAAMU b'omu disitulikiti y'e Mukono abali wansi wa Mukono Muslim District Council batandise okweddiza ettaka...