TOP
  • Home
  • News
  • Enkalu zeeyongedde ku mmotoka ya Kyagulanyi empya

Enkalu zeeyongedde ku mmotoka ya Kyagulanyi empya

Added 1st March 2021

Emmotoka ya Kyagulanyi (mu katono) empya.

Emmotoka ya Kyagulanyi (mu katono) empya.

EBY'EMMOTOKA ya Bobi Wine bijjulidde kkooti erina okuyisa ekiragiro ekiwaliriza nnannyini yo okugizzaayo mu kitongole ekiwooza ky'omusolo ekya URA eddemu ebalirirwe buto.

Kino kijjidde wakati mu nkalu ezeeyongedde ku mmotoka eno nga n'abooludda lwa Bobi bataddewo emiziziko okuziyiza URA okugitwala.

Kyaddiridde bannamateeka ba Kyagulanyi aba Wameli and Company Advocates okugaana okuwaayo emmotoka nga bwe baabadde basabiddwa kamisona wa URA avunaanyizibwa ku bintu ebiyingira n'okufuluma eggwanga.

Ensonda zaategeezezza nti abakulu mu URA bamaze okukola entegeka ezeekubira enduulu mu kkooti eyise ekiragiro ekiwaliriza Kyagulanyi okuwaayo emmotoka. Baagala kulaba nga bafuna olukusa olubakkiriza okugikima ku kifuba bw'abeera agaanye eby'eddembe.

Emmotoka eno ey'ekika kya Toyota Land Cruiser V8 nnamba UBJ 667F egambibwa nti teyitamu masasi y'efuuse nattabula n'okwebuuza engeri gye yayingiramu
mu ggwanga.

Bannamateeka balumiriza nti Robert Kyagulanyi yatuukiriza ebisaanyizo byonna n'esasula omusolo gwa 88,612,027. Kyokka aba URA bagamba nti omusolo ogwagibalirirwa guli wansi nnyo ku ze yalina okusasula.

E Magere ewali emmotoka nawo bongeddewo emiziziko era eggulo twasanze weesimbye yeebulunguluddwa emmotoka endala mukaaga. Kigambibwa nti kino baakikoze okuzibuwaliza omuntu yenna alowooza nti asobola okujja n'agisika okugiggyayo.

Joel Ssenyonyi omwogezi wa NUP yagambye nti bo balinga nkoko njeru era bakimanyi nti balina ababalondoola nga y'ensonga lwaki baagoberera emitendera gyonna.

"Abaagala tuzzeeyo emmotoka babitaddemu ebyobufuzi n'okwagala okuyigganya omukulembeze waffe. Kyokka ffe ensonga twazirekedde bannamateeka baffe bazikolako" Ssenyonyi bwe yagambye.

Abantu Ku Mmotoka Ya Bobi.

Emmotoka eno yayita ku nsalo ya Uganda ne Kenya era yajjira ku ttaka ng'eriko nnamba za Kenya, KCY 550X era nnamba ya "Logbook" y'emmotoka ng'eri
K3323207K era Fauz yasooka kusasula omusolo gw'okugivugira ku nguudo za Uganda.

Aba URA beebuuza ku ba Interpol era nga January 6, 2021 ne baweereza ebbaluwa eraga nti emmotoka terina buzibu era URA n'ekolera ku bbaluwa eno okukkiriza
empapula ezaaweebwayo Fauz.  Empapula zaakolwako nga January 8, 2021 era ne ziyisibwa nga January 12, 2021.

Fauz bwe yafuna empapula ezirambika obwannannyini bw'emmotoka eno era ng'afunye n'ennamba yaayo, yateekayo empapula endala ezikyusa obwannannyini, ng'emmotoka eva mu mannya ga Fauz Khalid ng'edda mu mannya ga Robert Kyagulanyi Ssentamu.

Oluvannyuma emmotoka yatwalibwa ewa Kyagulanyi era n'agyanjulira abawagizi be nga February 21, 2021.

  • TAGS:

More From The Author

Emboozi z’omuwandiisi endala

Emboozi endala

Omuzibizi wa Arsenal eyafun...

Tierney yafunye obuvune mu vviivi era asuubirwa okumala ebbanga eriwerako nga tazannya wabula Arteta agamba nti...

Bassita ba Leicester bameny...

TTIIMU ya Leicester eraze lwaki abazannyi baayo basatu baayo basatu tebaazannye mupiira gwa Premier, West Ham bwe...

Wabaddewo vvaawompiteewo n...

WABADDEWO vvaawompiteewo ku kisaawe kya MTN Arena e Lugogo ng'abakungu ba FUFA balondesa abakulembeze b'omupiira...

Abamu ku bayizi be basabidde.

Abayizi ba S.6 babuuliriddw...

ABAYIZI ba S6 babuuliriddwa okutwala ebigezo eby'akamalirizo bye batandika enkya ng'ensonga kuba kati batandise...

Fr. Dominic Kagoye  ng'akwasa Kironde (afukamidde wansi ) pikipiki gye baamutonedde,nnyina (mu gomesi) n'abaana be.

Omusomesa eyaziba amaaso ki...

Eyali Omusomesa wa Siniya okubala ne 'Physic's eyaziba amaaso mu ngeri eyewuunyisa ng'ali mu kibiina asomesa n'akubwa...