TOP
  • Home
  • News
  • Mmanyi Lwanga okuva obuto - Faaza Lugobe

Mmanyi Lwanga okuva obuto - Faaza Lugobe

Added 5th April 2021

Omugenzi Ssaabasumba Cyprian  Lwanga.

Omugenzi Ssaabasumba Cyprian Lwanga.

FAAZA Joseph Lugobe owa St. Agnes Kibuye-Makindye y'omu ku baludde ne Dr. Lwanga okuva obuto. Anyumirizza Margaret Zalwango omukwano gwabwe:

Nze ne Lwanga twava mu mukwano ne tufuuka baaluganda. Abadde mukama wange kyokka buli lwe tusisinkana ng'ambuuza nga muganda we.

Twasisinkana ne Dr. Lwanga nga tuli bato tusoma. Twaddamu okukwatagana e Katigondo ne tufuuka bamukwano nnyo. Mu mwaka gwaffe twali Abasemiririiyo 12. Mukama abadde akyatukuumye naye kati tusigadde 10 oluvannyuma lwa Dr. Lwanga okufa.

E Katigondo twatuulanga ku ntebe emu (desk) ne Lwanga. Twasoma ne Vika Genero wa Kampala, Musenyori Charles Kasibante, Fr. Mbaleeba ow'e Bbiina, Fr. Andrew Zziwa ow'e Bunnamwaya, Fr. Dominic Mwebe e Nansana, Fr. Charles Lugenda, Fr. Paul Muganga, Fr. Antonio Waluta ow'e Lugazi, Fr. John Mukasa Ssebaana ne Fr. Fredrick Kazibwe. Fr Antonio Katumbula Lubinge ye yasooka okufa.

Bwe twafuna obwafaaza nze nnaweebwa okukulira eby'entendeka mu ssaza
ekkulu erya Kampala olwo nga Kampala tannasalwako Kasana - Luweero ne Lugazi.
Twakola ne Lwanga okutuusa lwe yalondebwa okuba omusumba wa Kasana -Luweero.

E Luweero, Lwanga yakola okusinga bwe yali asuubirwa kubanga essaza lyali ppya ate
nga naye akyali muvubuka.

                                 Faaza Lugobe

Yanneebuuzangako bye yayagalanga okukola e Luweero ate bwe yafuuka mukama wange nga Ssaabasumba wa Kampala era abadde anneebuuzaako ku bintu bingi. Nange mbadde mwebuuzaako okusooka nga muganda wange olwo ekya mukama wange ne kiddako.

Lwanga bwe yasindikibwa e Kasana - Luweero ate nze nnatwalibwa mu luwummula
ebweru. Bwe nnadda ne bansindika e Lweza n'oluvannyuma St. Agnes.

Abadde afuba okulaba ng'Abasosodooti bali bulungi. Lwanga abadde asensedde
mu bulamu bw'abantu baabulijjo ne bannaddiini. Ajja kuba muzibu okuzzibwawo
olw'ebitone bye ebitasangika. Abadde awuliriza ensonga z'Abasosodooti.

Ebigo bingi bigguddwawo ng'ali e Luweero ne Kampala. Akoze nnyo okutandika amasomero ku musingi gwa Ekleziya n'okuzza obuggya agali obubi. Yayamba nnyo mu kuzimba Kleziya ya St. Agnes Kibuye.

Mmwewuunya okwagala eddiini kyokka n'ebyobuwangwa ng'abissaamu nnyo ekitiibwa.

Twajaguza ne Lwanga emyaka 40 mu busosodooti. Tubadde tugenda kujaguza
43.

Kristu yawangula okufa era Lwanga naffe tuwangulira wamu ne Kristu.

  • TAGS:

More From The Author

Emboozi z’omuwandiisi endala

Emboozi endala

Lubega akulembedde ne Amatos ku kkooti e Makindye.

Abaali bafera paasita basin...

ABASUUBUZI b'omu Kampala basindikiddwa mu kkomera lwa kugezaako kufera Paasita ssente ezikunukkiriza mu buwumbi...

Spice Diana asiibuludde aba...

Bya Mukasa Lawrence  ABAYIMBI okuli Spice Diana ne munne Fik Femaika bavuddeyo ne baduukirira abasiraamu ku...

Abakozi ba Rock bavudde mu ...

Bya Phoebe Nabagereka Abakozi mu kampuni ya Roko e Gerenge mu town council ye Katabi bekalakasiza nga balaga...

FDC evumiridde effujjo erik...

Bya Doreen Namaggala AMYUKA ssabawandiisi w'ekibiina ki FDC, Arnold Kaija asabye bannayuganda okukomya okutiisatiisa...

Abazigu balumbye ekigo ne b...

Abazigu ababadde n'ebijambiya, emitayimbwa saako ennyondo bazinze ekigo kya Kabulamuliro Catholic Parish, ne bamenya...