Bya HANNINGTON NKALUBO
AKULIRA ebyenguudo mu Kampala atabukidde kkampuni ezikola 'kanaggweeramu eyo' n'endala eziremereddwa ddala okutandika okukola enguudo ezaaziweebwa.
Kkampuni ya Access Lines eyaweebwa enguudo ezenjawulo mu Nakawa y'esoose okugobwa lwa butakola ngwa bwe bakkaanya mu ttenda yaayo.
"Tuwandiikidde olukiiko olwekenneenya engaba y'emirimu obutaddamu kugiwa mulimu gwonna," Peter Kauju, omwogezi wa KCCA bwe yagambye n'alabula n'endala ezitakola bulungi ate n'asiima Abubaker Technical Services, ekoze obulungi e Nsambya ne Neat Construction mu Kisenyi.
Yagambye nti kkampuni ya Omega ekola omwala oguva ku Kampala Road okukkirira ku Shoprite ekoze bulungi era saabasuubuzi tebagenda kuddamu kukosebwa Mazzi.
KCCA egobye kkampuni y''enguudo ekola ''gadibengalye''
