TOP

Bakansala e Makindye bakubaganidde mu lukiiko

Added 1st October 2016

MEEYA w’e Makindye, Ali Kasirye Nganda Mulyannyama akyatabuddwa oluvannyuma lw’olukiiko lwe yayise okuggweera mu kukubagana nga Bakansala aba NRM n’abooludda oluvuganya Gavumenti balemeddwa okukkaanya.

 Bakansala ba NRM nga bakubagana n’aba DP mu kkanso.

Bakansala ba NRM nga bakubagana n’aba DP mu kkanso.

Bya PONSIANO NSIMBI NE MARGRET ZALWANGO

MEEYA w’e Makindye, Ali Kasirye Nganda Mulyannyama akyatabuddwa oluvannyuma lw’olukiiko lwe yayise okuggweera mu kukubagana nga Bakansala aba NRM n’abooludda oluvuganya Gavumenti balemeddwa okukkaanya.

Mulyannyama yagambye nti kyabaswazizza eri abalonzi, okulemwa okuteesa ate nga baalondebwa kuteesa n’okumulungula ensonga mu mirembe banogere ebizibu ebiruma ab’e Makindye eddagala.

Okukubagana kyaddiridde kansala wa NRM, Janat Kiweesi Nassimbwa akiikirira omuluka gwa Kikubamutwe okuleeta ekiteeso ekiwakanya okuyisaamu erinnya lya Bosco Lusagala owa DP ng’akiikirira omuluka gwa Kibuye 1.

Kkanso yagguddwaawo ku ssaawa 4:00 ez’oku makya ku Lwokuna ng’ekubirizibwa Meeya Mulyannyama.

Yasoose kuyita mu biteeso ebyateesebwako mu kkanso y’omulundi ogwayita eyatuula mu kifo kye kimu kyokka nga ne ku mulundi ogwo baalemwa okukkiriziganya nga guno mulundi gwakusatu nga bateesa ku nsonga eno.

Ssaalongo Erias Lukwago yeetabye mu lutuula luno n’afuluma nga terunnaggwa.

Olwafulumye, Meeya n’akomyawo n’ekiteeso ky’okukakasa omumyuka we ekyaggye aba NRM mu mbeera ne balumba omuwandiisi wa kkanso eyabadde alina okufuna abasemba erinnya lya Lusagala owa DP eyalondebwa Mulyanyama.

Embeera yawalirizza bakkansala ba NRM okuvaayo bataase omuwandiisi wa kkanso era we baatandikidde okulwana n’okwerangira ebisongovu.

Meeya yawaliriziddwa okuyimiriza kkanso okumala ssaawa bbiri n’abalagira okukkakkana.

Omubaka wa Makindye West, Allan Ssewanyana bwe yalabye embeera etabuse n’avaawo nga talina ky’ayogedde.

Kkanso yazzeemu ku ssaawa 10:00 ez’akawungeezi, Meeya bwe yazzeemu okwanjula ekiteeso, omuwandiisi wa kkanso, Sylivia Nassolo n’amusala ekimuli n’amutegeeza nga mukama we omuwabuzi mu byamateeka bw’asabye ensonga eyogezebweyo aba DP kye bawakanyizza nga bagamba nti etteeka liwa Meeya obuyinza okulonda omumyuka we.

Aba DP 23 n’owa NRM omu baasembye Lusagala okuba omumyuka wa Meeya era ekiteeso ne kiyita.

More From The Author

Emboozi z’omuwandiisi endala

Emboozi endala

Amasannyalaze gakubye babir...

Entiisa yabuutikidde abatuuze ku kyalo Wantoni mu Mukono Central division, Mukono munisipaali, abasajja babiri...

Loodi Meeya Erias Lukwago ngakyazizza dayirekita wa Kampala omuggya, Dorothy Kisaka

Loodi meeya akyazzizza dayi...

  Ababiri basoose mu kafubo mu ofiisi za Loodi Meeya okumala essaawa bbiri nga bateesa. Lukwago yamwanjulidde...

Gav't etandise okugabira Ba...

GAVUMENTI etandise okugabira Bannakampala masiki eziyamba okutangira ssenyiga omukambwe kyokka abamu ku ba LC abaazikwasiddwa...

Kazinda ng'aleeteddwa mu kkooti

Kazinda ayolekedde okuyimbu...

EYALI omubalirizi omukulu mu ofiisi ya Katikkiro wa Uganda Geoffrey Kazinda ayolekedde okuyimbulwa mu kkomera e...

Kitatta ng'ali mu kaguli ka kkooti

Abudallah Kitatta ayimbuddw...

Hajji Abudallah Kitatta eyali omuyima wa bodaboda 2010 ayimbuddwa okuva mu kkomera gy'amaze emyaka 3.