TOP

'Tulokose tetukyaddamu kubba'

Added 20th April 2017

POLIISI y’e Kinnawattaka - Mbuya mu munisipaali y’e Nakawa ekoze ekikwekweto n’eyoola abavubuka abasukka mu 30 abagambibwa okubeera mu kibinja abeeyita aba UNATO abatigomya ebitundu by’e Kinnawattaka Mbuya n’ebiriranyeewo.

 Meeya Balimwezo (mu kkooti ) ne RCC we Nakawa Jakie Kemigisha (ku ddyo) nga basunsula abamu ku baakwatiddwa.

Meeya Balimwezo (mu kkooti ) ne RCC we Nakawa Jakie Kemigisha (ku ddyo) nga basunsula abamu ku baakwatiddwa.

Kyakulembeddwa Brayan Ibembe akulira poliisi eno nga kyayindidde mu Zooni omuli Mbuya, Kinnawattaka, Katogo, Banda gye baasanze abavubuka abawera nga banywa enjaga.

Lawrence Kiwanuka ssentebe wa LC 2 ow’omuluka gwa Mbuya 1 yategeezezza nti baakoze ekikwekweto kino kuba obubbi bubadde buzzeemu mu bitundu bino.

Abamu ku bavubuka bano bakkirizza okunywa enjaga n’okutigomya abatuuze mu bitundu by’e Nakawa eby’enjawulo ne basaba Meeya Ronald Balimwezo Nsubuga n’omubaka wa Gavumenti Jackie Kemigisha Kiiza okubasonyiwa ne bategeeza nti, “tulokose tetugenda kuddamu kwenyigira mu bikolwa bya bumenyi bw’amateeka.”

Ibembe yategeezezza nti abavubuka bano babakutte emirundi mingi mu bikolwa by’obubbi era tebagenda kubasonyiwa, bagenda kubatwala mu kkooti ebavunaane basindikibwe mu kkomera basobole okubonerera olwo balyoke babakwase Meeya Balimwezo ne RCC Kemigisha babafunire eby’okukola.

Dan Balengera ow’e Mbuya nga y’omu ku bavunaanyizibwa ku by’okwerinda yagambye nti abakwatiddwa b’ebo bennyini abatigomya Kinnawattaka era wiiki ewedde waliwo Omuyindi gwe baateega ne bamunyagako ssente n’ebintu bye.

Balimwezo yagambye nti obubbi bubadde buyitiridde mu Nakawa ng’abavubuka abali wansi w’emyaka 18 be basinga okubwenyigiramu n’asiima poliisi eyakoze ekikwekweto kino.

More From The Author

Emboozi z’omuwandiisi endala

Emboozi endala

Mmotoka ya minisita Atwoki eyakubiddwa amasasi.

Minisita asimattuse amasasi

Minisita omubeezi avunaanyizibwa ku byenfuna mu offiisi y'omumyuka wa Pulezidenti, Dr Baltazar Kasirivu-Atwooki,...

Kiddu (ku kkono) ne munne.

Bannabyamizannyo abattiddwa...

Nga December 30 omwaka oguwedde, abantu abatamanyiddwa baasindiridde Isaac 'Zebra' Senyange, eyaliko kapiteeni...

Sserunjogi ng’alaga ebintu by’atonaatona omuli essaati, ebikopo n’ebirala ebikozesebwa mu kunoonya obululu okusikiriza abalonzi.

Sserunjogi kkampeyini aziko...

AWAGWA ekku tewabula kalondererwa, ekiseera kya kkampeyini bangi bakikozesezza okuyiiya ssente era gubeera mugano...

Ssentebe Andrew Kasatiiro ng'agezaako okunnyonnyola abaatafunye butimba.

Ab'e Jinja Kalooli batabuki...

Abatuuze b'e Jinja Kalooli mu Wakiso beeweereza ebisongovu n'abakulembeze baabwe lwa butabawa butimba bwa nsiri....

Kasibante ku mpingu  ng'akwatiddwa.

Agambibwa okugezaako okufum...

OMUSUUBUZI   aloopye omuvubuka ku poliisi n'amulumiriza  okumuggyiraayo ekiso amufumite abaduukirize ne bamutaasa....