TOP

Balumbye Beti Kamya ku tteeka lya Loodi Meeya

Added 12th May 2017

EBBAGO lya Gavumenti erireeteddwa okukyusa mu tteeka lya Kampala litabudde Loodi Meeya Erias Lukwago n’abakulembeze abalonde mu kibuga ne balabula nti minisita Beti Kamya amaze budde, tebasobola kumukkiriza kuggyako balonzi ddembe lyabwe.

 Loodi Meeya Erais Lukwago

Loodi Meeya Erais Lukwago

Lukwago alangiridde nti agenda kweyambisa amakubo gonna agakkirizibwa mu mateeka okuyimiriza ebbago lino.

“Ng’enda kutandikira ku kutuuza nkiiko ez’enjawulo mu Kampala nga nnyinnyonnyola abalonzi n’okubasomesa akabi akali mu bbago lino. Nja kuddayo mu kkooti byonna ebiyimirize,” Lukwago bwe yagambye.

Yatuuzizza olukiiko lwa bannamawulire mu ofiisi ye eggulo ng’ali n’ababaka ba palamenti mu Kampala n’ategeeza nti olukwe minisita Beti Kamya lw’aluka lwa kumugoba mu ofiisi nti kyokka gwe yaddira mu bigere Frank Tumwebaze yalukolako ne lumulema.

Yawagiddwa ababaka ba palamenti ne bameeya ba munisipaali ettaano ezikola Kampala bwe baategeezezza nti omuntu yenna ayagala okukyusa mu nnonda ya Kampala yeetyabira kalimu buwuka.

Allan Ssewanyana (Makindye West) yagambye nti Gavumenti erowooza nti Bannakampala ebigenda mu maaso tebabitegeera.

Yayongeddeko nti abalonzi mu kibuga bagoberera era ennaku 45 eziweereddwa sipiika bagenda kuzeeyambisa okukyusa ebintu byonna nga beebuuza ku balonzi.

Meeya Nganda Mulyannyama (Makindye) yagambye nti ebbago lya Kampala abamu balitunuulidde bubi.

Balowooza liggyawo kulonda kwa Loodi Meeya Lukwago yekka. “Naffe bameeya ba munisipaali litutwaliramu.” Yalabudde nti kino kijja kuleetera Bannakampala okukola ekitasuubirwa.

Ate Ronald Balimwezo yategeezezza nti abakulembeze ba Kampala bonna bakkiriziganya nti ebbago lino terisaanidde era omuntu yenna agenda okulikakaatika ku bantu abeera mulabe.

Lukwago yagambye nti Kampala alina ebizibu eby’amangu okugeza ekifo awayiibwa kasasiro e Kiteezi okujjula ne kkampuni ezimuyoola okulemererwa.

Lukwago yagambye nti Bbanka y’ensi yonna yawa Kampala ssente obukadde bwa doola 175 zikole enguudo kyokka nga Gavumenti eteekwa okusooka okusasula ebitundu 10 ku buli 100 ku ssente zino naye Gavumenti eremeddwa at ne minisita Beti Kamya takyogerako, ali ku bya Loodi Meeya!

Hassan Kasibante, omuyambi wa minisita Beti Kamya yagambye nti ebyayanjuddwa mukama we, byalekebwawo eyali minisita Frank Tumwebaze. Kyokka nabyo bikyalina okukolwamu ennongoosereza.

More From The Author

Emboozi z’omuwandiisi endala

Emboozi endala

Eyeefudde agula essimu n'ag...

Bya Rosemary Nakaliri  Abasuubuzi b'oku Kaleerwe baazingizza ababbi abeefudde bakasitoma abazze okugula essimu...

Kayemba n'ensawo ye emweyagaza.

Kyama ki ekiri mu bbulifukk...

Geoffrey Kayemba Ssolo avuganya ku kifo ky’omubaka wa Bukomansimbi South ensawo ya Jjajja we emweyagaza.

Minisita Kibuule mu ssuuti ng'atongoza okusimba emiti gy'amasannyalaze.

Ab'e Nama bawonye okusula m...

Abatuuze mu ggombolola y’e Nama mu disitulikiti y’e Mukono bafunye akaseko ku matama bwe babawadde amasannyalaze...

Kasingye ng'akwasa Omusumba Jjumba masiki.

Poliisi n'amagye byetondedd...

POLIISI n'amagye byetondedde Omusumba w'e Masaka eyawummula John Baptist Kaggwa (mu kifaananyi ku ddyo) olw'okukuba...

Buchaman ne mukyala we nga bakwasa abaserikale ebyambalo by'amagye.

Buchaman awaddeyo ebyambalo...

OMUWABUUZI wa Pulezidenti ku nsonga za Ghetto, Mark Bugembe amanyiddwa nga Buchaman akwasizza ab’ebyokwerinda ebyambalo...