TOP

Abatunda engatto balaajaniddeGavt. ku basuubuzi b'e Rwanda

Added 20th October 2018

EBIBIINA by'abasuubuzi b'engatto mu ggwanga biraajanidde gavumenti okuyingira mu nsonga za bakasitoma baabwe Abanyarwanda abatakyakkirizibwa kubasuubulako ngatto.

 Tonny Kakembo, omu ku basuubuzi b’engatto ng’annyonnyola ku nsonga z’abasuubuzi b’e Rwanda.

Tonny Kakembo, omu ku basuubuzi b’engatto ng’annyonnyola ku nsonga z’abasuubuzi b’e Rwanda.

Ebibiina okuli; ‘William Street Shoe Traders Association’(WSSTA) ne G7 omwegattira abasuubuzi b’engatto be baalaajanye.

Abasuubuzi b’e Rwanda gavumenti yaabwe kigambibwa yabagaanye okuddamu okubasuubulako engatto mu maduuka g'omu Kampala ne Uganda.

Bano abaakulembeddwaamu Agnes Nyiransenga, ssentebe wa WSSTA balumiriza gavumenti y’e Rwanda okussa ku basuubuzi baayo obukwakkulizo obukakali n'emisolo egya waggulu n'ekigenderera ky’okubalemesa okusuubula engatto mu Uganda.

Okubabinika omusolo ogukubisaamu emirundi ebiri kw'ogwo gwe babadenga basasula emyezi etaano emabega kye bagamba nti kigenderedwamu kubalemesa kusuubula mu Uganda.

Ebataddeko ebiragiro ebibagaana okuddamu okusuubula engatto mu Uganda waakiri bagende e Kenya.

Tusaba Gavumenti yaffe eyingire mu nsonga z’abasuubuzi ababadde batugulako okuva e Rwanda kubanga okusinziira ku bye tuwulira biraga nga gavumenti yaabwe yavuddeyo butereevu n’ebagaana okuddamu okulinnya ekigere mu Uganda era n'ewa n'abamu ababadde bakyalemeddeko okuzisuubula wano kapito ow’okugenda obutereevu e China okutandika okuzeesuubulirayo,” Penina Batamuliza omu ku basuubuzi b'engatto ku Boost House ekimu ku bibadde bisinga okuguza Abanyarwanda engatto bwe yategeezezza.

Ono yawagiddwa Tonny Matovu akulira G7 wamu n'abasuuubuzi b’engatto abakolera kukizimbe kya Boost eyasabye minisita w'ebyobusuubuzi n'amakolero, Amelia Kyambadde okuyingira mu nsonga eno okusobola okuzzaawo enkolagana wakati wa Uganda ne Rwanda.

Abasuubuzi bagamba nti embeera eno ebakoseza nnyo kubanga abasinga baali basuubula ebika by'engatto ebyenjawulo ebitera okwettanirwa Abanyarwanda kyokka nga kati bakonkomadde nabyo mu maduuuka.

MINISITA AMELIA ABAWADDE AMAGEZI

Kyambadde yabawadde amagezi okuteeka okwemulugunya kwabwe mu bbaluwa bagimutwalire alabe engeri gy’ayinza okubayambamu okumalawo okusoomoozebwa kuno.

More From The Author

Emboozi z’omuwandiisi endala

Emboozi endala

Mmotoka ya minisita Atwoki eyakubiddwa amasasi.

Minisita asimattuse amasasi

Minisita omubeezi avunaanyizibwa ku byenfuna mu offiisi y'omumyuka wa Pulezidenti, Dr Baltazar Kasirivu-Atwooki,...

Kiddu (ku kkono) ne munne.

Bannabyamizannyo abattiddwa...

Nga December 30 omwaka oguwedde, abantu abatamanyiddwa baasindiridde Isaac 'Zebra' Senyange, eyaliko kapiteeni...

Sserunjogi ng’alaga ebintu by’atonaatona omuli essaati, ebikopo n’ebirala ebikozesebwa mu kunoonya obululu okusikiriza abalonzi.

Sserunjogi kkampeyini aziko...

AWAGWA ekku tewabula kalondererwa, ekiseera kya kkampeyini bangi bakikozesezza okuyiiya ssente era gubeera mugano...

Ssentebe Andrew Kasatiiro ng'agezaako okunnyonnyola abaatafunye butimba.

Ab'e Jinja Kalooli batabuki...

Abatuuze b'e Jinja Kalooli mu Wakiso beeweereza ebisongovu n'abakulembeze baabwe lwa butabawa butimba bwa nsiri....

Kasibante ku mpingu  ng'akwatiddwa.

Agambibwa okugezaako okufum...

OMUSUUBUZI   aloopye omuvubuka ku poliisi n'amulumiriza  okumuggyiraayo ekiso amufumite abaduukirize ne bamutaasa....