TOP

Omubaka Kato ekyenda bakizzizza munda n'asekerera abamuvuganya

Added 12th July 2020

OMUBAKA Kato Lubwama owa Lubaga South asulirira kusiibulwa oluvanyuma lw’ekyenda ekibadde kikuumirwa ebweru w’olubuto okuzzibwaayo n’atereezebwa era kati ekimusibye ku kitanda kunyiga biwundu mpozzi n’olukindo olunene lwe yafuna.






Ku Lwomukaaga abasawo basiibye bamwekebejja oba yatandise okutereera . Obulumi bw'alina kati bw'amacupa agamussibwaako n'empiso ezikaza olukindo n'ebiwundu mu pnda mu lubuto ebyasalibwa ng'alongoosebwa.

Omu ku basawo Mariam Muganzi yategeezezza nti emirundi ebiri gye bamulongoosezza bamuzizzaawo bupya era kati alindiridde kusiibulwa addeyo mu by'obufuzi bye.

" Akyawulira obulumi naye bwa biwundu sibulwadde. Omubiri gukyalumizibwa lwa biwundu n'empiso naye obulwadde twabukozeeko ne tumutereeza. Kati mulamu ekyenda kyateredde okuggyako ayinza okwongera okwekebeza kansa ," Muganzi bwe yagambye.

Ku Lwomukaaga Kato yasangiddwa ne batabani be nga be bamuliko. Baabadde baliko akaseko ku matama nti kati ateredde.   

Ku by'obufuzi asekeredde abamuvuganya be yagambye nti agenda kubagatta nga mirengo abawangule. Yatandiseewo ekisinde kyeyatuumye BUGANDA WEERI nti kigendererwa kutuukiriza bigendererwa bya Mmengo ku buli nsonga.

Yagambye nti tagenda kuvuganyiza mu kibiina kyonna okuggyako ekisinde ekyo kubanga abalonzi be bonna bakkiririza mu nsonga za Buganda era naye z'akkiririzaamu . Omusawo yagambye nti asuubira mu wiiki bbiri agenda kuba asiibuddwa.

Ku ssente ezimujjanjabye yagambye nti nnyingi ezisoba mu bukadde 150 kyokka ezimu zivudde mu ba mikwano gye n'abalonzi b'akiikirira abamwagala era akakasa nti buli kimu agenda kukisasula mu bulambulukufu.

More From The Author

Emboozi z’omuwandiisi endala

Emboozi endala

Minisita Nabakooba

Abawala b'amassomero abafu...

OMUWENDO gw’abaana abato abafuna embuto mu kiseera ky’omuggalo gw’okwerinda obulwadde bwa ssenyiga gweyongedde...

Wakiso Giants esudde 2

WAKISO GIANTS FC mu liigi ya babinywera esazizzaamu endagaano z’abasambi babiri ezibadde zibuzaako emyaka ebiri...

Janet Museveni asimbudde tt...

MINISITA w’ebyenjigiriza n’emizannyo Janet Museveni asibiridde entanda ttiimu y’eggwanga ey’abaddusi bw'abade agisimbula...

Abakulembeze baloopedde Kis...

ABATUUZE mu Kisenyi n’abasuubuzi abatundira ebyamaguzi ku nguudo balaajanidde dayirekita wa Kampala omuggya Dorothy...

Amasannyalaze gakubye babir...

Entiisa yabuutikidde abatuuze ku kyalo Wantoni mu Mukono Central division, Mukono munisipaali, abasajja babiri...