TOP
  • Home
  • Ono ye kampala
  • Aba akeedi bawanjagidde Gavumenti: 'Ku Mmande mutuggulewo tukole, tuli bubi'

Aba akeedi bawanjagidde Gavumenti: 'Ku Mmande mutuggulewo tukole, tuli bubi'

Added 12th July 2020

ABAKULEMBEZE ba KACITA balabudde nti bavudde ku nkola y'akakiiko akassibwaawo okulambula akeedi mu Kampala okukakasa oba zituukagana n'ebiragiro bya Gavumenti ku kutangira ssenyiga omukambwe.





Beemulugunya nti baminisita ne Gavumenti balina ebigendererwa birala kubanga kati bye balambula bakola ku buvunaanyizibwa bwa KCCA by'ezze erondoola ng'ekolako . Basabye Gavumenti eggule akeedi ku Mmande kubanga bali bubi era ku Lwokubiri bagenda kulangirira kyebazaako.

Ku Lwokuna , abakulembeze baatuzizza olukiiko lwa bannamawulire ku kitebe kya KACITA ne balaga obutali bumativu ku bikolebwa akakiiko kubanga ba minisita n'abakungu ba Gavumenti bangi tebabeerayo.

Ssabawandiisi wa KACITA Thadius Musoke Keno eyabadde n'omuteesiteesi Brian Yesigye, David Wangi ne Jjemba Mulondo yategeezezza nti ebintu Gavumenti byesaba ku bizimbe abasuubuzi basobola kubiteekawo nga akeedi n'amadduuka gagguddwa.

"Ogamba otya omuntu nti tekawo amazzi, obupima ebugumu n'okunaaza engalo ate nga omugaddewo.Buli kimu abasuubuzi bakikiriza okukiteekawo kyokka Gavumenti tebaddamu . Bagenda mu maaso n'okuggalawo ng'abasuubuzi tukaaba  lwaaki" Musoke bwe yagambye.

Yategeezezza nti abasuubuzi beetegefu okussaawo amabanga, okuteekawo akasenge akakebererwaamu omulwadde ssaako buli kiragiro kyokka wadde byonna babikiriza , Gavumenti ewoza nti baagenda kukola lipooti. Yagambye nti kiki kyebategeeza mu kukola lipooti nga akeedi teziggulwa.

Wangi yalabudde nti ba mmemba baabwe bakumye emirembe ebbanga erimala kati tebakyasobola kweyongerayo kusukka Mande wiiki eddako. "tusaba Gavumenti eggulewo ku mmande tusobole okulondoola akeedi ezitalina bisaanyizo naye kati tolina kyosobola kulaba nga nziggale" Wangi bwe yagambye.

Ate Jjemba Mulondo yalagyanye nti abasuubuzi ensimbi zibaweddeko zonna baziridde nti embeera gyebalimu mbi nnyo ate nti tebamanyi  Gavumenti kyerowooza ku ssente z'obupangisa wadde amabanja mu bbanka.

Aba KACITA bagamba nti bavudde ku byakakiiko kati basaba kimu Gavumenti kuggulawo era bakyagala obutasukka mande kubanga embeera gyebalimu mbi nnyo.

More From The Author

Emboozi z’omuwandiisi endala

Emboozi endala

Paapa Francis nga yaakatuuka  mu Iraq ku Lwokutaano.

Engeri Paapa gye yeesitudde...

PAAPA Francis ‘Baba al Vatican' (nga bwe bamuyita mu Iraq) ku bugenyi obwebyafaayo mu Iraq yasisinkanye n'omukulembeze...

Catherine Namaato baamusala Catherine okutu ng’ava okukola..

Abakuba obutayimbwa basitud...

BANNAKYOTERA beeraliikirivu olw'akabinja k'abanyazi akateega abantu nga bava okukola ne babakuba obutayimbwa ku...

Ssebwana Kiberu (ku ddyo) ng’akulembeddemu Bannabusiro okukola bulungi bwansi e Kajjansi.

Ssebwana akuutidde abavubuk...

OMWAMI wa Ssaabasajja atwala Essaza ly'e Busiro, Ssebwana Charles Kiberu Kisiriiza, akuutidde Abavubuka abaalondeddwa...

Abamu ku bavubuka abagambibwa okubbira ku bodaboda abakwatiddwa.

▶️ Akabinja k'aba bodabo...

AKABINJA k'ababodaboda ababbi katadde abasuubuzi mu Kampala ku bunkenke. Babbye ssente obuwumbi bubiri mu wiiki...

Omwami w’eggombolola y’e Ngogwe, Livingstone Kisekka (ali mu kyambalo okuli engabo) ng’alaga Omulangira Wasajja (mu ssuuti wakati)amakula ge baaleetedde Kabaka.

Wasajja ajjukiza Gavumenti ...

OMULANGIRA David Kintu Wasajja agambye nti Obwakabaka bwa Buganda bwennyamivu olwa gavumenti okuba nti ekyagaanye...