'Ova mu basajja kankukube nkutte'

POLIISI y'e Ndejje - Lubugumu eggalidde Vincent Kabanda 35 ow’e Lubugumu eyakubye mukyala we, Aisha Nakubulwa 28, oluvannyuma lw’okutwala omwana waabwe emmotoka gwe yakoonye mu ddwaaliro n’alwayo.

 Kabanda ne mukazi we Nakubulwa

POLIISI y'e Ndejje - Lubugumu eggalidde Vincent Kabanda 35 ow’e Lubugumu eyakubye mukyala we, Aisha Nakubulwa 28, oluvannyuma lw’okutwala omwana waabwe emmotoka gwe yakoonye mu ddwaaliro n’alwayo.

Nakubulwa agamba nti omwana emmotoka yamukoona ku Ssande era Kabanda talina kye yanyega wabula ng’eyamukoona yasasula eddwaaliro.

“Nnamututte mu ddwaaliro ku ssaawa 2:00 ez’ekiro ku Lwokusatu ne nkomawo ku 3:00 omusajja n’antabukira mbu mmulage ebbaluwa z’eddwaaliro.

Teyanninze kumuddamu n’ansamba mu kifuba n’antuulako n’annyiga amaaso nga bw’agamba nti mbadde nva mu basajja k’anzite,” Nakubulwa bwe yategeezezza.

Kabanda yategeezezza nti omukazi gwamusinze obutamulaga bbaluwa za ddwaaliro ekyamulowoozesezza nti yabadde ava mu basajja era takimenyawo yabadde mu basajja.

Atwala poliisi eno, John Katushabe yagambye nti bagenda kumutwala mu kkooti bamuvunaane.