Poliisi eyokyezza emmundu enkadde

POLIISI ya Uganda ng'eyita mu kitongole kivunaanyizibwa ku by'okulwanyisa ebitono mu minisitule y'ensonga z'omunda eyokezza emundu 6426 mu kaweefube w'okumalawo emmundu mu bantu naddala ezitali mu mateeka.

 Aba Poliisi nga bakoleeza emmundu

 Bya HERBERT MUSOKE

POLIISI ya Uganda ng'eyita mu kitongole kivunaanyizibwa ku by'okulwanyisa ebitono mu minisitule y'ensonga z'omunda eyokezza emundu 6426 mu kaweefube w'okumalawo emmundu mu bantu naddala ezitali mu mateeka.

 

Omukolo guno gukulembeddwamu minisita omubeezi ow'ensonga z'omunda Mario Obiga Kania agambye nti kino kikoleddwa okulaga n'okukakasa bannayuganda nti gavumenti ekola kyonna okukakasa nti basigala nga balina obukuumi obumala.

 

Omukwanaganya w'ekitongole kya National Focal Point for Small Arms and Light Weapons ekivunaanyizibwa ku by'okulwanyisa ebitono CP Okello Markmot agambye nti emundu zino zikunganyiziddwa okumala emyaka ena nga zigiddwa mu bitundu by'eggwanga eby'enjawulo ng'ezimu zibadde zikaddiyidde mu materekero ga poliisi, ezigiddwa ku bayeekera n'ezikwatibwa n'abamenyi b'amateeka era nga emmundu ekika kya AK47 zeezisinze obungi nga zibadde 3755.