Ssekandi asiimye Abachina okulaakulaanya Uganda

omumyuka wa Pulezidenti, Edward Kiwanuka Ssekandi asiimye Abachina okulaakulaanya Uganda nga baajaguza amefuga.

 Zheng Zhu Qiang ne  Ssekandi nga basala keeki

OMUMYUKA wa Pulezidenti, Edward Kiwanuka Ssekandi asiimye Abachina abali kuno agamba enkolagana enungi eriwo wakati wa Uganda ne China yakwongera okuvaamu ebibala naddala eby’enkulaakulaana.

Ssekandi yategezezza nti enkolagana n'omukwano wakati wa Uganda ne China byava dda nga Uganda yeetegeka kwefuga era guzez gweyongera.

Yawadde eby’okulabirako eby’enjawulo okuli; oluguudo lwa Entebbe Expressway, ebbibiro ly'amasannyalaze ery'e Karuma ne Isimba, amakolero ssako obuyambi obulala by’agamba nti byonna bibala ebivudde mu nkolagana eno

Ali Kirunda Kivejinja (ku kkono) omumyuka wa katikkiro wa Uganda ow'okubiri ne John Byabagambi

 

Bino yabyogeredde ku Serena ku mukolo Abachina abali kuno kwe bajjagulizza emyaka 69 bukya nsi yabwe efuna bwetwazze. 

Ssekandi eyabadde omugenyi omukulu yabasabye okwongera okutumbula n’okwenyigira mu bintu ebirala nga eby’emizannyo, eby’obulambuzi n’ebirala  n’okutumbula

Ono era yayogedde ne lukuηηaana lw’ebyobusuubuzi olwakagwa wakati wa China ne Afrika oluyitibwa Forum on China-Africa Cooperation (FOCAC), Pulezidenti Museveni mwe yasisinkanidde Pulezidenti Xi Jinping owa China ne babako ebintu ebyenjawuulo bye bakiriziganyiza okukola era agamba Uganda muno egenda kufunamu.

ababaka b'amawanga amalala mu Uganda nabbo babaddeyo ku mukolo guno

 

Ye Zheng Zhu Qiang omubaka wa China mu Uganda mu kwogera yasiimye Bannayuganda bagamba nti balaze omukwano eri Abachina era bafuddeyo okubayigirako bingi bye batadde mu nkola.

yawadde eky'okulabirako abasawo Rose Kawuma ne Jesca Namugoya abakolera mu ddwaaliro lya Jinja Regional Referral Hospital b’agamba nti beyambisa enkola y'Abachina ey'okujjanjaba abantu abali mu bulumi obw'amaanyi okujjanjaba abantu naddala abakuliridde mu myaka abagenda mu ddwaaliro lino.

Abamu ku Bachina ababadde ku mukolo

 

Yagasseko nti nga China neetegefu okwogera okukolagana ne Uganda ssaako n’amawanga ga Afrika amalala mu by’enkulaakulaana awatali kukakibwa n’okweyingiza mu nsonga zabwe ez’ebyobufuzi n’ez’omunda mu ggwanga.