'Temukkiriza bwavu kusensera maka gammwe'

ABAKRISTAAYO bakubiriziddwa okukola ennyo bagobe obwavu mu maka kubanga busindika bangi mu bikolwa ebitaweesa Katonda kitiibwa nga banoonya okufuna ssente ez’amangu.

 Ssaabadinkoni Ven. Silas Musoke (ataddeko olukoba oluddugavu okuli akamyufu) n’abamu ku bakulembeze ba Fathers’ Union. Owookubiri ku ddyo (ku layini eya wakati) ye Muky. Katende eyabuulidde ng’abaami mu bussaabadinkoni buno bakuza olwa Petero ku Ssande.

ABAKRISTAAYO bakubiriziddwa okukola ennyo bagobe obwavu mu maka kubanga busindika bangi mu bikolwa ebitaweesa Katonda kitiibwa nga banoonya okufuna ssente ez'amangu.

Bino byababuuliddwa Muky. Barbra Katende, abaami abafumbo ab'Obussaabadinkoni bw'e Gayaza mu Bulabirizi bw'e Namirembe bwe baabadde bakuza olunaku lwa Petero.

Okusaba kwabadde ku kkanisa ya St. John e Kanyanya ku Ssande nga kwetabyeko Ssaabadinkoni w'e Gayaza Ven. Silas Musoke, Pulezidenti wa Fathers' Union e Namirembe Wilber Naigambi n'abakungu abalala.

Muky. Katende yabakubirizza obuteesembereza bantu abatalina kye babagattako okuggyako okubatoolako n'agamba nti abo baliwo kubanyuunyunta n'okubasiba mu bwavu.

Yasabye abakyala okukomya okutuula obutuuzi awaka wabula bakole bagatte ku nsimbi z'abaami, amaka gaabwe gabeeremu essanyu.