Afiiridde mu mulyango nga bamutwala mu ddwaaliro

Abatuuze basabye bannannyini mayumba okukomya okupangisa abantu amayumba nga tebafunye bibakwatako

 Densinte y'omugenzi Kilobi

Abatuuze  basabye bannannyini mayumba okukomya okupangisa abantu amayumba nga tebafunye bibakwatako.

 

Kino kiddiridde  ku Lwokubiri abatuuze b'omu Kibe Zooni mu Muluka gwa  Makerere III e Kawempe okugwamu entiisa bwe baasanze munnaabwe ng'ali mu nju ali bubi. Baafunye boodabooda bamutwale mu ddwaaliro e Mulago wabula baabadde baakamufulumya  n'afiira mu mulyango .

Oluvannyuma baazudde densite  ye ng'eraga nti ye Patrick Kilobi enzaalwa y'e Mukono ku kyalo Wabununu mu muluka gw'e Buliika.

Kino kyawalirizza nnannyini mayumba David Musisi Luganga okuloopa ku poliisi y'oku Kaleerwe eyatutte omulambo mu ggwanika e Mulago .

usisi landiroodi ngalaga ndensite yomugenziMusisi landiroodi ng'alaga ndensite y'omugenzi

 

Musisi yategeezezza nti Kilobi abadde yaakamala emyezi ebiri ku nju ze, era ng'abadde muwuulu.

Yagasseeko nti  ku  Ssande omugenzi yamutegeezza nga bw'alinamu ekifuba ne ssenyiga wabula embeera teyabadde mbi, naye ku Lwokubiri yalabye tafuluma kwe kumukeberako n'amusanga ng'ali bubi.

Moses Kibuuka yategeezezza nti  bannannyini mayumba abasinga kasita abapangisa babawa ssente tebafaayo kubasaba bibakwatako. Yagasseeko nti abantu bangi bazze bafiira mu mayumba ne batwalibwa mu ggwanika oluvannyuma ne baziikibwa mu limbo nga tebamanyikiddwaako mayitire.